Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
ДУШАНБЕ, 30.05.2025/АМИТ «Ховар»/. Муовини аввали Дабири кулли Созмони Милали Муттаҳид Амина Муҳаммад дар маросими ифтитоҳи нахустин Конфронси байналмилалии сатҳи баланд оид ба ҳифзи пиряхҳо дар пойтахти Тоҷикистон — шаҳри Душанбе аз давлатҳои ҷаҳон барои рушди ҳамкорӣ ва шарикии стратегӣ дар самти ҳалли масоили марбут ба ҳифзи пиряхҳои сайёраи Замин ва тағйирёбии иқлим даъвати оҷилӣ намуд, иттилоъ медиҳад хабарнигори АМИТ «Ховар» аз ҷараёни баргузории Конфронси байналмилалии сатҳи баланд оид ба ҳифзи пиряхҳо.
Амина Муҳаммад афзуд, ки раванди тағйирёбии иқлим даҳсолаи охир ба ҳаёти миллионҳо одамон, олами бойи набототу ҳайвоноти сайёра, захираҳои бойи обию энергетикии ҷаҳон ва дар маҷмуъ ба рушди иқтисоди ҷаҳон бо назардошти обшавии бесобиқаи пиряхҳои сайёра хисороти ҷиддӣ расонидааст.
Мавсуф афзуд, ки дар раванди тағйирёбии иқлим дар кураи Замин соли 2024 соли гармтарин дар сайёра ба қайд гирифта шуд, яъне ҳарорати Замин 1,5 дараҷа боло рафт. Ин раванд созмонҳои бонуфузи байналмилалӣ, бахусус Созмони Милали Муттаҳид ва давлатҳои аъзои ин созмони муътабарро водор месозад, ки тадбирҳои муассиру саривақтӣ ва самаранокро дар самти мутобиқшавӣ ба тағйирёбии иқлим, омилҳои муваффақ шудан ба рушди устувор ва ҳамкории самарабахшро дар доираи эълон гардидани Даҳсолаи байналмилалии ҳифзи пиряҳои сайёра (2025 -2034) андешанд.
Бо дахли ташаббусҳои глобалии Ҳукумати Ҷумҳурии Тоҷикистон, хусусан Президенти Ҷумҳурии Тоҷикистон муҳтарам Эмомалӣ Раҳмон дар самти обу иқлим ва ҳифзи пиряхҳои сайёра муовини аввали Дабири кулли Созмони Милали Мутттаҳид Амина Муҳаммад ташаббусҳои Тоҷикистонро саривақтӣ ва муассир арёбӣ намуда, ба Ҳукумати Тоҷикистон ва шарикони рушд дар самти баргузор намудани нахустин Конфронси байналмилалии сатҳи баланд оид ба ҳифзи пиряҳо изҳори сипос намуд.
Дар ин замина Амина Муҳаммад давлатҳои ҷаҳонро бори дигар ба тақвияти ҳамкории судманду самаранок дар масъалаи обу иқлим ва ҳифзи пиряҳои сайёраи Замин даъват намуд.
Марзия САИДЗОДА,
АМИТ «Ховар»
АКС: АМИТ «Ховар»
Сафири Тоҷикистон дар ҷаласаи Шурои иқтисодии ИДМ дар Ашқобод иштирок намуд
Дар шаҳри Уфа 35-солагии Истиқлоли давлатии Ҷумҳурии Тоҷикистонро таҷлил намуданд
Қатъномаи Маҷмаи Умумии СММ оид ба Рӯзи байналмилалии зеҳни сунъии бехатар, ҳифзшуда ва боэътимод дар САҲА муррафӣ гардид
Дар шаҳри Санкт-Петербург 35-солагии Истиқлоли давлатии Ҷумҳурии Тоҷикистонро таҷлил намуданд
Рӯзи Истиқлолияти давлатии Тоҷикистон дар Минск таҷлил карда шуд
Оид ба омӯзиши яхбандии абадӣ экспедитсияи байналмилалии илмӣ-таҳқиқотӣ анҷом дода шуд
Сафири Тоҷикистон бо Вазири ҷавонон ва варзиши Миср мулоқот намуд
Дар Берлин 35-солагии Истиқлоли давлатии Ҷумҳурии Тоҷикистонро таҷлил намуданд
ПИРЯХШИНОСӢ ДАР 35 СОЛИ ИСТИҚЛОЛ. Оид ба марҳилаҳои эҳё, рушд ва пешсафии ин соҳа дар арсаи ҷаҳон
Нахустин Сафири Тоҷикистон дар Салтанати Умон ба Султони Умон эътимоднома супорид
Дар Париж 35-солагии Истиқлоли давлатии Ҷумҳурии Тоҷикистон таҷлил шуд
Дар Ашқобод 35-солагии Истиқлоли давлатии Ҷумҳурии Тоҷикистонро таҷлил намуданд
