Ба Конфронси байналмилалии сатҳи баланд оид ба ҳифзи пиряхҳо зиёда аз 120 волонтёр ҷалб карда мешавад
ДУШАНБЕ, 26.05.2025. /АМИТ «Ховар»/. Ба Конфронси байналмилалии сатҳи баланд оид ба ҳифзи пиряхҳо зиёда аз 120 волонтёри омӯзишдида барои таъминоти моддӣ, бақайдгирӣ, ҳамроҳӣ кардани ҳайатҳо, тарҷума, инчунин баргузории чорабиниҳои канорӣ барои ҷавонон ва чорабиниҳои фарҳангӣ ҷалб карда мешаванд. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Тайёр кардани онҳо дар ҳамкории зич бо Кумитаи кор бо ҷавонон ва варзиш ва муассисаҳои таълимӣ амалӣ карда мешавад. Ихтиёриёни кумита бо либоси ягона таъмин карда мешаванд. Волонтёрон на танҳо ёрдамчӣ, балки иштирокчиёни фаъоле мебошанд, ки қисми муколамаи муҳими байналмилалӣ мегарданд.
Инчунин дар назар аст, ки дар Конфронси байналмилалии сатҳи баланд оид ба ҳифзи пиряхҳо беш аз 300 нафар ҷавонону наврасон аз тамоми минтақаҳои мамлакат ва меҳмонони хориҷӣ иштирок намоянд. Дар форум намояндагони донишгоҳҳо, литсейҳо, коллеҷҳо ва мактабҳо, хусусан волонтёрон ва экологҳои фаъол иштирок менамоянд.
Барои ҷалби онҳо бо иштироки олимон, коршиносон ва шарикони байналмилалӣ мубоҳисаҳои интерактивӣ, ҷаласаҳои панелӣ, тренингҳо ва дарсҳои маҳорат ташкил карда мешаванд. Барои муколамаи фаъол шароит фароҳам оварда мешавад, то ҳар иштироккунанда тавонад андешаи худро баён кунад ва дар таҳияи пешниҳодҳои ҷавонон саҳм гузорад.
Ҳадаф- ташаккул додани маърифати экологӣ дар байни насли наврас ва нишон додани аҳамияти нақши он дар ҳифзи мероси табиии мамлакат мебошад.
Ҷавонони Тоҷикистон дар ин самт аллакай фаъолияти баланд нишон медиҳанд: ташаббусҳои ҷавонон оид ба тоза кардани рӯдхонаҳо, ниҳолшинонӣ, гузаронидани машварату ҳашарҳои экологӣ ва марафон аз ин ҷумла мебошанд. Ҳамзамон аз ҷониби ҷавонон ба ташаббусҳои рақамӣ: эҷоди видеоҳои маърифатии экологӣ, маъракаҳои онлайн ва инфографика оид ба таъсири тағйирёбии иқлим таваҷҷуҳи махсус зоҳир карда мешавад.
Ёдовар мешавем, ки Ҷумҳурии Тоҷикистон аз 29 то 31 май мизбони Конфронси байналмилалии сатҳи баланд оид ба ҳифзи пиряхҳо мебошад.
Конфронси байналмилалии сатҳи баланд оид ба ҳифзи пиряхҳо дар доираи Соли байналмилалии ҳифзи пиряхҳо, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон пешниҳод шуда, аз ҷониби зиёда аз 150 кишвари аъзои Созмони Милали Муттаҳид дар иҷлосияи 77-уми Маҷмаи Умумии Созмони Милали Муттаҳид моҳи декабри соли 2022 дастгирӣ ёфт ва бо қатъномаи Маҷмаи Умумии Созмони Милали Муттаҳид қабул гардид, гузаронида мешавад.
Зарангези ЛАТИФ,
АМИТ «Ховар»
АКС: АМИТ «Ховар»
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Дар Бадахшон оид ба ташаббусҳои ҷаҳонии Президенти Тоҷикистон ҳамоиши ҷумҳуриявӣ доир шуд
Мушоҳидаи аэровизуалӣ ва георадарии ҳолати пиряхҳо ва кӯлҳои кӯҳии Тоҷикистон гузаронида шуд
Дар Ню-Йорк масъалаи омодагӣ ба Конфронси оби СММ-2028 дар Душанбе баррасӣ гардид
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
