Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид

ДУШАНБЕ, 25.05.2025  /АМИТ «Ховар»/. Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол барои дарёфти Ҷоми Раиси ноҳияи Абдураҳмони Ҷомӣ баргузор гардид.

Тавре ба АМИТ “Ховар” аз Мақомоти иҷроияи ҳокимияти давлатии ноҳияи Абдураҳмони Ҷомӣ хабар доданд, дар мусобиқа дастаҳои ташкилотҳои ибтидоии ҳизбӣ ва ҷамоатҳои шаҳраку деҳот иштирок намуда, байни ҳам рақобат намуданд.

Ҳадафи ин чорабинӣ тарғиби тарзи ҳаёти солим, ҷалби ҷавонон ба варзиш ва таҳкими дустиву рафоқат дар ҷомеа мебошад.

Дар фарҷоми мусобиқа дастаҳои беҳтарин бо Ҷом, ифтихорномаҳо ва туҳфаҳо қадрдонӣ карда шуданд.

Раиси ноҳия таъкид дошт, ки тавассути чунин чорабиниҳо на танҳо варзиш рушд мекунад, балки руҳи ватандӯстиву ҳамбастагӣ дар ҷомеа таҳким меёбад.

АКС: Мақомоти иҷроияи ҳокимияти давлатии ноҳияи Абдураҳмони Ҷомӣ