Бо сарбозони Раёсати қӯшунҳои дохилии Вазорати корҳои дохилӣ вохӯрӣ баргузор гардид
ДУШАНБЕ, 13.05.2025. /АМИТ «Ховар»/. 12 май муовини Вазири корҳои дохилии Ҷумҳурии Тоҷикистон дар қисми ҳарбии Раёсати қӯшунҳои дохилии Вазорати корҳои дохилӣ бо сарбозону афсарон вохӯрӣ намуда, бо шароити хизматбарии онҳо шинос гардид. Дар ин хусус ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.
Иброз гардид, ки бо ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон имрӯзҳо барои сарбозону афсарони Қувваҳои Мусаллаҳи Ҷумҳурии Тоҷикистон шароити хуби моддию маънавӣ фароҳам оварда шудааст. Ин ба хизмати ватандӯстона ва садоқатмандонаи онҳо мусоидат менамояд.
«Сарвари давлат муҳтарам Эмомалӣ Раҳмон бо боварии комил дар ҳар суханронӣ иброз менамоянд, ки ҷавонон зери таваҷҷуҳи давлату Ҳукумат қарор дошта, сол то сол мақоми онҳо дар ҷомеа баланд мегардад»,-гуфта шуд зимни вохӯрӣ.
Имрӯз ҷавонон бояд аз фурсати муносиб истифода намуда, дар пайравӣ ба сиёсати оқилонаи Пешвои миллат муҳтарам Эмомалӣ Раҳмон бо ҳисси баланди ватандӯстӣ дар сафи Қувваҳои Мусаллаҳи Тоҷикистон хизмат намоянд.
Мо ҷавобан ба ин ғамхориҳо вазифадор ҳастем, ки бо ҳисси баланди ватандӯстӣ ва хештаншиносӣ дар пойдории сулҳу субот саҳм гузорем. Зеро Артиши миллӣ мактаби мардонагию матонат, шарафу номус ва ҷасорат буда, хизмат дар он қарзи шаҳрвандии ҳар сокини мамлакат мебошад.
АКС: Вазорати корҳои дохилии Ҷумҳурии Тоҷикистон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
