Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид

ДУШАНБЕ, 30.05.2025 /АМИТ «Ховар»/. Бо ташаббуси Сафорати Ҷумҳурии Тоҷикистон дар Амороти Муттаҳидаи Араб дар  Маркази омӯзиш ва тадқиқоти стратегии АМА аз натиҷаи ҳамоиши илмӣ-назариявӣ баёнияи матбуотӣ оид ба ташаббусҳои ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти ҳалли масъалаҳои обу иқлим нашр гардид.

Тавре АМИТ «Ховар» бо истинод ба Сафорати Ҷумҳурии Тоҷикистон дар Амороти Муттаҳидаи Араб хабар медиҳад, дар баёния инчунин дастовардҳои 30 соли муваффақи равобити дипломатӣ байни Тоҷикистон ва Аморот, хизматҳои шоёни мутафаккирони барҷастаи илмию фарҳангӣ ва шахсиятҳои таърихии халқи тоҷик барои рушди илм ва тамаддуни инсонӣ инъикос ёфтаанд.

Баёния дар пойгоҳҳои интернетӣ ва сомонаҳои расмии Маркази омӯзиш ва тадқиқоти стратегии Амороти Муттаҳидаи Араб дар шабакаҳои иҷтимоӣ бо забонҳои англисӣ ва арабӣ нашр шудааст.

Арабӣ: https://ecssr.ae/…/-ecssr—holds—a—panel—session—on—uae…

Англисӣ: https://ecssr.ae/…/-ecssr—holds—a—panel—session—on—uae…