Дар ноҳияи Шаҳринав ду тонна пиллаи хушсифат истеҳсол карда шуд
ШАҲРИНАВ, 25.05.2025. /АМИТ «Ховар»/. Кирмакпарварони ноҳияи Шаҳринав бо риояи қоидаҳои агротехникии парвариш ва нигоҳубини кирмак то имрӯз 2 тонна пиллаи хушсифат истеҳсол намудаанд. Онҳо тасмим гирифтаанд, ки соли равон истеҳсоли пилларо ба зиёда аз 6 тонна расонанд. Дар ин хусус намояндаи Ҷамъияти саҳомии кушодаи «Пиллаи тоҷик» дар ноҳияи Шаҳринав Қамариддин Маннонов ба мухбири минтақавии АМИТ «Ховар» Субҳониддини Маҳмуд иттилоъ дод.
Барои рушду тараққиёти соҳаи пиллапарварӣ ва коркарди он дар ноҳияи Шаҳринав 200 қуттии кирмак ба 76 хоҷагии кирмакпарварии ҷамоатҳои деҳоти ноҳия тақсим карда шуд. Ҳушбахтона, парваришу нигоҳубини кирмак хуб буда, пиллапарварон ҳосили нағз ба даст меоранд.
Дар айни замон барои иҷрои нақшаи истеҳсоли пилла ҷамъоварии пиллаи хушсифат муташаккилона идома дорад. Ҷамъияти саҳомии кушодаи «Пиллаи тоҷик» дар ноҳияи Шаҳринав аз кирмакпарварон як килограмм пиллаи омехтаи истеҳсолшударо ба маблағи 20 сомонӣ харида, кирмакпарварони фаъолро бо туҳфаҳо ҳавасманд мегардонад.
Мувофиқи ҳаҷми истеҳсоли пилла, ки аз ҳар қуттӣ то 30 кг пилла истеҳсол карда мешавад, кирмакпарвари ботаҷриба Фарҳод Сафаров бо риояи қоидаҳои агротехникии парвариш ва нигоҳубини кирмак аз ду қуттии кирмак 104 кг пиллаи хушсифат истеҳсол намудааст.
Кирмакпарварӣ ва коркарди пилла яке аз шуғлҳои қадимтарини мардуми тоҷик ва соҳаи сердаромаду афзалиятнок маҳсуб шуда, истеҳсоли пилла барои бо ашёи хом таъмин намудани корхонаҳои саноатии мамлакат, бо шуғл фаро гирифтани аҳолӣ ва баланд бардоштани иқтидори истеҳсолии корхонаҳои ватанӣ аҳамияти калон дорад.
Ёдовар мешавем, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат 21 декабри соли 2021 баён гардид, ки «ҷиҳати рушди соҳаи пиллапарварӣ ва шоҳиву адрасбофӣ ва таъсиси ҳазорҳо ҷойи нави кор, бахусус барои занону духтарон дар ин замина сохтору мақомоти дахлдорро зарур аст, ки истифодаи самараноки имконоти мавҷударо таъмин намоянд. Дар робита ба ин, замини тутзор ба муддати 10 сол аз пардохти андози ягонаи замин, инчунин шахсони ҳуқуқие, ки ба коркарди пилла ва истеҳсоли матоъҳои шоҳӣ, атласу адрас ва дигар маснуоти бофандагии дастӣ машғуланд, аз пардохти андозҳо пурра озод карда шаванд».
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
