Директори иҷроияи ЮНИСЕФ: «Форуми имрӯза имконияти бисёр муҳиме аст, ки метавонем паёмҳои худро бигӯем»
ДУШАНБЕ, 29.05.2025. /АМИТ «Ховар»/. Дар Осиёи Марказӣ болоравии ҳарорат ва афзоиш ёфтани офатҳои табиӣ ташвишовар мебошад. Ин метавонад ба кӯдакон ва ҷомеаи осебпазир таъсир расонад. Зеро дар ҳолати об шудани пиряхҳо 27 фоизи обе, ки аз онҳо сарчашма мегирад, сарф шуда, хушксолӣ ба миён меояд. Чунин иброз намуд Директори иҷроияи ЮНИСЕФ Кетрин Рассел имрӯз дар Форуми кӯдакон ва ҷавонон бахшида ба ҳифзи пиряхҳо (Тавонмандсозии насли оянда: садоҳо барои ҳифзи пиряхҳо ва иқдоми иқлимӣ), иттилоъ медиҳад хабарнигори АМИТ «Ховар».
Директори иҷроияи ЮНИСЕФ изҳор дошт, ки форуми имрӯза имконияти бисёр муҳим мебошад, ки мо паёмҳои асосии худро бигӯем. «Ҳукуматҳо бояд эътироф намоянд, ки ҷавонон ва кӯдакон қишре мебошанд, ки ба онҳо бояд гӯш диҳем ва онҳоро ба ин раванд ҳамроҳ намоем», -гуфт ӯ.
Кетрин Рассел иброз намуд, ки ҷавонон дар самти тағйирёбии иқлим дар мадди назар қарор доранд. Зеро ҳар амали онҳо метавонад дар самти муҳити атроф тағйирот ба миён орад. Аз ин хотир онҳо бояд дар тамоми лоиҳаҳо дар самти обу иқлим фаъол бошанд.
Ёдовар мешавем, ки ин форум дар доираи Конфронси байналмилалии сатҳи баланд оид ба ҳифзи пиряхҳо, ки аз 29 то 31 май дар шаҳри Душанбе мегузарад, баргузор гардид.
Дар инъикоси ин чорабинии муҳим беш аз 2500 намоянда аз 80 давлати ҷаҳон, созмонҳои байналмилалӣ, пажӯҳишгоҳҳо ва шарикони рушд иштирок доранд. Чорабиниро беш аз 350 хабарнигор, аз ҷумла беш аз 150 нафар аз расонаҳои хориҷӣ, аз қабили «Euronews», «Al Jazeera» ва шабакаҳои телевизионии пешбари Осиё инъикос менамоянд.
Зарангези ЛАТИФ,
АМИТ «Ховар»
АКС: АМИТ «Ховар»
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
ЭМОМАЛӢ РАҲМОН — ТАШАББУСКОРИ ҶАҲОНИИ МАЪРИФАТИ ҲУҚУҚӢ. Дар робита ба қабули қатъномаи Маҷмаи Умумии СММ дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Бахшида ба он «Муколамаи иқлимӣ барои ҷавонон» доир гардид
Дар Ню-Йорк вохӯрии Гурӯҳи дӯстони об баргузор гардид
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
