ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд

ДУШАНБЕ, 25.05.2025 /АМИТ «Ховар»/. Имрӯз, 25 май дар Варзишгоҳи марказии ҷумҳуриявии шаҳри Душанбе бахшида ба таҷлили Рӯзи ҷаҳонии футбол, ки бо ибтикори Президенти Федератсияи футболи Тоҷикистон Рустами Эмомалӣ ва дастгирии Созмони Милали Муттаҳид қабул шудааст, ҷашнвораи бошукӯҳи футбол баргузор гардид.

Тавре ба АМИТ «Ховар» аз Федератсияи футболи Тоҷикистон  хабар доданд, дар ин фестивал 700 нафар дӯстдорони футбол иштирок намуданд. Ҳадафи асосии чорабинӣ рушди футболи оммавӣ-кӯдакона ва таблиғи тарзи ҳаёти солим мебошад.

Варзишгоҳи марказии Душанбе 20 ҳазор тамошобинро ҷамъ оварда, ҷашни воқеии футболро инъикос намуд. Барои тамошобинон барномаи фароғатӣ омода карда шуд. Ба бачаҳо диққати махсус зоҳир гардида, барои онҳо бозиҳои шавқовар ташкил карда шуданд.

АКС: Федератсияи футболи Тоҷикистон