Кэтрин Рассел: «Бо ташаббусҳои арзишманди ҷаҳонии Президенти Тоҷикистон мо метавонем ба ҳадафҳои назаррас ноил гардем»
ДУШАНБЕ, 30.05.2025. /АМИТ «Ховар»/. Мо бояд таъсири обшавии пиряхҳоро ба кӯдакон омӯзем, сармоягузории иқлимро барои онҳо зиёд кунем ва иштироки фаъоли ҷавононро дар сиёсатгузорӣ таъмин намоем. Зеро агар кӯдакону наврасон ба буҳрони иқлим дучор гарданд, ин нишонаи он аст, ки онҳо ба буҳрони ҳуқуқӣ дучор гардидаанд. Чунин иброз дошт Директори иҷроияи ЮНИСЕФ Кэтрин Рассел имрӯз зимни баргузории Конфронси байналмилалии сатҳи баланд оид ба ҳифзи пиряхҳо дар «Кохи Сомон»-и шаҳри Душанбе.
Директори иҷроияи ЮНИСЕФ гуфт, ки буҳрони иқлим дар асл буҳрони ҳуқуқи кӯдакон аст. Он ба саломатӣ, таълим, бехатарӣ ва дастрасии онҳо ба обу ғизо таъсир мерасонад. Беш аз 1 миллиард кӯдак дар давлатҳое зиндагӣ менамоянд, ки ба хатари баланди иқлимӣ дучоранд.
«Аз ин рӯ ба Ҳукумати Ҷумҳурии Тоҷикистон, хусусан ба Президенти Ҷумҳурии Тоҷикистон муҳтарам Эмомалӣ Раҳмон сипосгузории бепоёни худро мерасонам, ки бо ташаббусҳои арзишманди ҷаҳонии Сарвари давлати тоҷикон мо, ҷомеаи ҷаҳон метавонем дар самти об ва иқлим ба ҳадафҳои назаррас ноил гардем», — иброз дошт Кэтрин Рассел.
Ба андешаи ӯ, масоили об ва тағйирёбии иқлим ба соҳаи тандурустӣ, маориф ва некӯаҳволии кӯдакон бевосита таъсир мерасонад. Дар ин замина иқдоми якҷояи давлатҳо барои ҳифзи манбаъҳои об ва мутобиқшавӣ ба тағйирёбии иқлим аҳамияти ниҳоят муҳим дорад.
ЮНИСЕФ аз ҳамаи кишварҳо даъват мекунад, ки Эъломияи кӯдакон, ҷавонон ва иқлимро ҷонибдорӣ намоянд ва ҳуқуқи кӯдаконро ба нақшаҳои миллии иқлимии худ ворид намоянд.
Ёдовар мешавем, ки Конфронси байналмилалии сатҳи баланд оид ба ҳифзи пиряхҳо то 31 май дар шаҳри Душанбе баргузор гардид.
Дар инъикоси ин чорабинии муҳим беш аз 2500 намоянда аз 80 давлати ҷаҳон, созмонҳои байналмилалӣ, пажӯҳишгоҳҳо ва шарикони рушд иштирок доранд. Чорабиниро беш аз 500 хабарнигори дохилию хориҷӣ инъикос менамоянд.
Моҳинави НАВРӮЗ,
АМИТ «Ховар»
АКС: АМИТ «Ховар»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН ДАР САРХАТИ ТАШАББУСҲОИ ҶАҲОНӢ. Андешаҳо дар мавриди қабули қатъномаи таърихии Тоҷикистон оид ба зеҳни сунъӣ дар Маҷмаи Умумии СММ
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
