Дар вохӯриҳои канории СОР-30 ташаббусҳои Тоҷикистон дар самти ҳифзи пиряхҳо баррасӣ гардид
ДУШАНБЕ, 13.11.2025 /АМИТ «Ховар»/. Дар шаҳри Белеми Бразилия дар доираи Конфронси 30-юми тарафҳои Конвенсияи қолабии Созмони Милали Муттаҳид /СММ/ оид ба тағйирёбии иқлим (СОР-30), бо ташаббуси ЮНЕСКО чорабинии канорӣ таҳти унвони «Арзёбии паёмадҳои тағйирёбии иқлим ба криосфера ва таъсири он ба давлатҳои хурди ҷазиравии рӯ ба инкишоф» баргузор гардид. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Ин чорабинӣ ба оғози амалишавии қатъномаи СММ оид ба «Даҳсолаи амал барои илмҳои криосфера, солҳои 2025–2034», ки бо ташаббуси Ҷумҳурии Тоҷикистон ва Ҷумҳурии Фаронса қабул гардид, бахшида шуд.
Дар қисмати ифтитоҳии чорабинӣ намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон аҳаммияти масъалаи ҳифзи пиряхҳоро ҳамчун мавзуи муҳимми рӯзномаи ҷаҳонӣ ёдовар шуда, аз намояндагони давлатҳои иштирокдор, созмонҳои молиявӣ ва минтақавӣ иштироки фаъолонаро дар татбиқи натиҷаҳои Конфронси байналмилалии сатҳи баланд оид ба ҳифзи пиряхҳо, ки моҳи майи соли равон дар шаҳри Душанбе баргузор гардида буд, даъват намуд.
Дар чорабинӣ Сафири Фаронса оид ба масъалаҳои тағйирёбии иқлим, роҳбарони созмонҳои байналмилалӣ вобаста ба масъалаҳои рӯзномаи чорабинӣ сухан карда, аз ташаббусҳои Ҷумҳурии Тоҷикистон дар самти ҳифзи пиряхҳо ҷонибдорӣ намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
