КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
ДУШАНБЕ, 30.05.2025 /АМИТ «Ховар»/. Имрӯз дар «Кохи Сомон» дар доираи Конфронси байналмилалии сатҳи баланд оид ба ҳифзи пиряхҳо ҷаласаи аввали мавзуӣ баргузор гардид, ки ба пайомадҳои иҷтимоӣ ва иқтисодии обшавии пиряхҳо бахшида шуд.
Тавре мухбири АМИТ «Ховар» хабар медиҳад, ҷаласаи аввал таҳти унвони «Пиряхҳо, қабатҳои яхии Арктика ва Антарктида, хатари баландшавии сатҳи баҳр ва стратегияҳо барои давлатҳои хурди дар ҳоли рушд» доир шуд.
Дар ҷаласа мутахассисони байналмилалӣ, олимон, сиёсатмадорон ва намояндагони давлатҳои хурди ҷазиравии рӯ ба рушд иштирок намуданд. Мақсади асосии ҷаласа баррасии пайомадҳои тағйирёбии шадиди иқлим дар минтақаҳои қутбӣ буд.
Тавре иштирокчиён таъкид намуданд, обшавии босуръати пиряхҳо дар Арктика ва Антарктида боиси ноустувории қабатҳои ях ва баландшавии сатҳи баҳр мегардад. Ин ҳолат барои минтақаҳои пастмуҳити соҳилӣ, ки дар онҳо тақрибан 680 миллион нафар зиндагӣ мекунанд ва ҳамчунин барои давлатҳои хурди ҷазиравии рӯ ба рушд хатари ҷиддӣ ба шумор меравад, гарчанде ки пиряхҳо аз онҳо хеле дур ҷойгиранд.
Дар ҷаласа таваҷҷуҳи махсус ба зиёд кардани кӯшишҳо барои коҳиши гармшавии глобалӣ, сармоягузорӣ ба низомҳои ҳушдордиҳии пешакӣ, ҳифзи минтақаҳои соҳилӣ ва ҳамкории байналмилалӣ дар соҳаи ҳифзи криосфера равона гардид.
Интизор меравад, ки натиҷаҳои муҳокимаҳо ба таҳияи тавсияҳо ва амалҳои мушаххас дар самти ҳифзи пиряхҳо ва таъмини ояндаи устувор барои давлатҳо ва минтақаҳои осебпазир мусоидат хоҳанд кард.
Конференсия дар шаҳри Душанбе ба таҳкими ҳамкории байналмилалӣ ва пешбурди рӯзномаи иқлимӣ мусоидат намуда, нақши муҳими пиряхҳоро ҳамчун манбаи оби нӯшокии сайёра таъкид мекунад.
Ёдовар мешавем, ки имрӯз дар маросими тантанавии ифтитоҳи конфронс, ки дар «Кохи Сомон» баргузор шуд, Президенти Ҷумҳурии Тоҷикистон муҳтарам Эмомалӣ Раҳмон, муовини аввали Дабири кулли Созмони Милали Муттаҳид муҳтарам Амина Муҳаммад, Сарвазири Ҷумҳурии Исломии Покистон муҳтарам Муҳаммад Шаҳбоз Шариф, шахсиятҳои баландмақом ва роҳбарони дигар ҳайатҳои расмӣ суханронӣ намуданд. Пас аз он кори конфронс дар шакли ҷаласаҳои мавзуӣ ва муҳокимаҳои панелӣ оғоз гардид.
Ёдовар мешавем, ки дар ин рӯзҳо Тоҷикистон ба майдони муҳими байналмилалӣ барои баррасии масъалаҳои марбут ба тағйирёбии иқлим табдил ёфтааст.
Моҳинави НАВРӮЗ,
АМИТ «Ховар»
АМИТ «Ховар»
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
