Конфронси сатҳи баланд оид ба ҳифзи пиряхҳоро 500 нафар хабарнигорони дохилию хориҷӣ инъикос менамоянд
ДУШАНБЕ, 30.05.2025. /АМИТ «Ховар»/. Дар ин лаҳзаҳо дар «Кохи Сомон» Конфронси сатҳи баланд оид ба ҳифзи пиряхҳо оғоз гардида, ҷараёни онро беш аз 500 нафар намояндагони воситаҳои ахбори оммаи дохилию хориҷӣ инъикос менамоянд. Дар ин хусус ба хабарнигори АМИТ «Ховар» сардори Департаменти иттилоот ва матбуоти Вазорати корҳои хориҷии Ҷумҳурии Тоҷикистон Шоҳин Самадӣ иттилоъ дод.
Ҷумҳурии Тоҷикистон ба масъалаҳои ҳалли проблемаи обшавии пиряхҳо аҳамияти калон медиҳад. Аз ин рӯ, дар ҷойҳои баргузории конфронс барои кори намояндагони воситаҳои ахбори омма тамоми шароити мусоид фароҳам оварда шудааст.
«Ин, пеш аз ҳама, маркази матбуоти муҷаҳҳаз бо тамоми таҷҳизоти зарурӣ, интернети баландсуръат дар тамоми минтақа, ки дар он чорабиниҳо баргузор мешаванд, дастрасӣ ба ҳамаи форумҳо ва ҷаласаҳои пленарӣ мебошад. Рӯзноманигороне, ки дар конфронс номнавис шудаанд, имкон доранд бо роҳбарони ҳайатҳо, коршиносон ва намояндагони доираҳои илмие, ки проблемаи обшавии пиряхҳоро меомӯзанд, суҳбат намоянд», -гуфт Шоҳин Самадӣ.
Боиси хушнудӣ аст, ки даъватҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба аҳамияти ҳифзи пиряхҳо шунида шуда, ҷомеаи ҷаҳонӣ мушкилоти доғи ин масъаларо дар ин конфронси байналмилалӣ баррасӣ хоҳанд кард.
«Итминон дорам, ки рӯзноманигорон бо иштирок ва инъикоси мушкилоти обшавии пиряхҳо дар огоҳ намудани тамоми башарият аз хатари нобудшавии пиряхҳо саҳми арзанда мегузоранд»,-афзуд сардори Департаменти иттилоот ва матбуоти Вазорати корҳои хориҷии Ҷумҳурии Тоҷикистон.
Зарангези ЛАТИФ,
АМИТ «Ховар»
АКС: АМИТ «Ховар»
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
