Константино Чивенга: «Тоҷикистон дар самти тавлиди энергияи «сабз» таҷрибаи нодир дорад»
ДУШАНБЕ, 28.05.2025 /АМИТ «Ховар»/. «Мулоқоти имрӯза бо Президенти Ҷумҳурии Тоҷикистон муҳтарам Эмомалӣ Раҳмон барои рушди минбаъдаи муносибатҳои байнидавлатии мо заминаи муҳим фароҳам овард. Дар мулоқот масъалаҳои муҳими ҳамкории дуҷониба байни Ҷумҳурии Зимбабве ва Ҷумҳурии Тоҷикистон баррасӣ карда шуданд», — иброз дошт пас аз мулоқот бо Президенти Ҷумҳурии Тоҷикистон муовини якуми Президенти Ҷумҳурии Зимбабве Константино Чивенга.
Ба иттилои Константино Чивенга, зимни мулоқот таваҷҷуҳи асосӣ ба тавсеаи ҳамкорӣ дар соҳаҳои сиёсӣ, иқтисодӣ, энергетикӣ, кишоварзӣ ва сайёҳӣ равона гардид.
«Мо солҳои охир ҳамкории дипломатӣ ва сиёсиро тақвият бахшида, ҳоло ба сатҳи ҳамкории иқтисодӣ рӯ оварда истодаем. Ин дуюмин сафари расмии мо ба Тоҷикистон аст, ки дар он масъалаҳои густариши равобити иқтисодӣ мавриди муҳокима қарор гирифтанд», — таъкид намуд Константино Чивенга.
Муовини якуми Президенти Зимбабве таъкид намуд, ки феълан якчанд санадҳои ҳамкорӣ, аз ҷумла ёддоштҳои тафоҳум байни ду давлат дар марҳилаи омодагӣ қарор доранд ва ояндаи наздик ба имзо мерасанд.
«Тоҷикистон дар самти тавлиди энергияи «сабз» таҷрибаи нодир дорад ва ҳоло дар ҷаҳон ҷойи шашумро ишғол мекунад. Мо ба рушди ҳамкорӣ дар соҳаи энергетика манфиатдорем, зеро бе неруи барқ ҳеҷ кишвар наметавонад рушд кунад», — афзуд Константино Чивенга.
Константино Чивенга ҳамчунин изҳор дошт, ки Тоҷикистон дар соҳаи кишоварзӣ ва сайёҳӣ низ дорои таҷрибаи арзанда буда, Зимбабве хоҳони мубодилаи таҷриба ва ҳамкорӣ дар ин самтҳо мебошад. «Мо дар доираи ниҳодҳои байналмилалӣ низ масъалаҳои зиёдеро баррасӣ намудем»,-гуфт муовини якуми Президенти Зимбабве.
Дар анҷом Константино Чивенга изҳор дошт, ки Зимбабве омода аст дар ҳамаи соҳаҳои мавриди таваҷҷуҳи муштарак бо Тоҷикистон ҳамкориро тақвият бахшад. Ин ҳамдигарфаҳмии амиқ байни ду давлатро инъикос менамояд.
Ёдовар мешавем, ки муовини якуми Президенти Ҷумҳурии Зимбабве Константино Чивенга барои иштирок дар аввалин Конфронси байналмилалии сатҳи баланд оид ба ҳифзи пиряхҳо ба шаҳри Душанбе ташриф овардааст.
АКС: АМИТ «Ховар»
Қоҳир Расулзода бо директори Бюрои рушди телекоммуникатсияи Иттиҳоди байналмилалии телекоммуникатсия Космас Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Дар Давҳа 35-солагии Истиқлоли давлатии Тоҷикистон таҷлил гардид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Ню-Йорк омодагӣ ба Конфронси оби СММ – 2028 дар шаҳри Душанбе баррасӣ гардид
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
