Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
ДУШАНБЕ, 10.05.2025. /АМИТ «Ховар»/. Сокини деҳаи Пахтаободи Ҷамоати деҳоти Тоҷикободи ноҳияи Вахш Маҳмадсолеҳ Қосимов 8 садяк замини наздиҳавлигияшро самаранок истифода мебарад. Дар айни замон ӯ дар ин замин картошка, гулкарам ва дигар зироат кишт намуда, ҳосили фаровонро интизор аст.
Тавре аз хадамоти матбуоти Раиси вилояти Хатлон иттилоъ доданд, Маҳмадсолеҳ Қосимов имсол 2 қуттӣ кирмак низ дастрас намуд. Дар айни замон пилла барои ҷамъоварӣ пурра омода буда, дар назар аст, ки аз он 100 кило пилла гирад.
Пиллапарварӣ ҳамчун соҳаи сердаромаду афзалиятноки иқтисодӣ барои бо ашёи хом таъмин намудани корхонаҳои саноатии мамлакат, рушди саноати сабук, истеҳсоли матоъҳои аз ҷиҳати экологӣ барои саломатӣ безарар ва таъмини садҳо нафар бо ҷойи кор нақши муассир дорад.
Маҳмадсолеҳ Қосимов иброз дошт, ки «ба замин ҳар қадаре, ки бо муҳаббату ғамхорӣ муносибат кардед, онро оқилонаю самаранок истифода бурдед, ҳамон қадар баракаташро мебинед. Ҳайронам, ки баъзе нафарон чандин сотих заминҳои наздиҳавлигиашонро истифода намебаранд, онҳо солҳо бекор меистанд. Ҳол он ки истифодаи самараноки ин заминҳо на танҳо ба оилаи онҳо, балки барои сокинони шаҳрнишин, ки ба маҳсулоти кишоварзӣ ниёз доранд, муфид аст».
«Гузаштагони мо заминро беҳуда модар нахондаанд. Агар мушоҳида карда бошед, дар тамоми давлатҳои дунё одамон барои истифода дурусти замини назди ҳавлишиашон талош менамоянд, дар машғулиятҳои омӯзишӣ иштирок мекунанд. Аз интернет бо таҷрибаи пешқадами кишоварзони ҷаҳон шинос мешаванд, аз он истифода мебаранд. Агар ҳар яки мо заминҳои наздиҳавлигии худро самаранок истифода барем, чандин мушкилоти зиндагиамонро бартараф месозем»,-афзуд ин деҳқони ботаҷриба.
Истифодаи самараноки замини наздиҳавлигӣ аз ҷониби сокини деҳаи Пахтаободи Ҷамоати деҳоти Тоҷикободи ноҳияи Вахш Маҳмадсолеҳ Қосимов барои дигар сокинон намунаи ибрат мебошад. Зеро чунин кишоварзон дар навбати аввал талаботи оилаи худро бо маҳсулоти кишоварзӣ ва дигар маводи ғизоӣ қонеъ намуда, баъдан маҳсулоти зиёдатиро ба бозор бароварда, бо нархи дастрас пешниҳоди сокинон мегардонанд.
АКС: Хадамоти матбуоти Раиси вилояти Хатлон
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
МАСЛИҲАТИ МУТАХАССИС. Бодиринг аз витаминҳои C ва K, минералҳои калий, магний ва антиоксидантҳо бой мебошад
Имрӯз дар баъзе ноҳияҳои Тоҷикистон борони кӯтоҳмуддат дар назар аст
