Муҳаммад Яллоу: «Иштирок дар Конфронси байналмилалии сатҳи баланд оид ба ҳифзи пиряхҳо дар шаҳри Душанбе барои Гамбия хеле муҳим аст»
ДУШАНБЕ, 28.05.2025 /АМИТ «Ховар»/. 28 май Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ноиби Президенти Ҷумҳурии Гамбия Муҳаммад Яллоуро ба ҳузур пазируфтанд.
«Иштирок дар Конфронси байналмилалии сатҳи баланд оид ба ҳифзи пиряхҳо дар шаҳри Душанбе барои мо хеле муҳим аст. Зеро мо медонем, ки обшавии пиряхҳо ба Гамбия, ки аслан ҳамагӣ дар баландии 60 метр аз сатҳи баҳр воқеъ буда, кишвари ҳамвор аст, низ таъсир мерасонад. Аз ин рӯ, ин конфронс барои мо низ муҳим аст ва мо ба Президенти Ҷумҳурии Тоҷикистон муҳтарам Эмомалӣ Раҳмон изҳори сипос менамоем, ки моро ба ин чорабинӣ даъват намудаанд»,- гуфт Муҳаммад Яллоу пас аз мулоқот.
Ноиби Президенти Ҷумҳурии Гамбия таъкид намуд, ки ду давлат дар доираи Созмони Милали Муттаҳид, Созмони конфронси исломӣ ва дигар ниҳодҳои байналмилалӣ ҳамкорӣ менамоянд.
«Мо ҳамчунин пешниҳод кардем, ки равобит байни Ҷумҳурии Тоҷикистон ва Гамбияро дар заминаи тиҷорат ва дигар бахшҳо, тақвият ва таҳким бахшем. Инчунин таъсиси Комиссияи муштарак байни ду давлат муҳим арзёбӣ гардид», — гуфт дар анҷом Муҳаммад Яллоу.
Ёдовар мешавем, ки ноиби Президенти Ҷумҳурии Гамбия Муҳаммад Яллоу барои иштирок дар аввалин Конфронси байналмилалии сатҳи баланд оид ба ҳифзи пиряхҳо ба шаҳри Душанбе ташриф овардааст.
АКС: АМИТ «Ховар»
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
КОНФРОНСИ ЧОРУМИ ОБИ ДУШАНБЕ. Дар Душанбе семинари минтақавӣ барои парлумонҳои давлатҳои Авруосиё баргузор гардид
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
Рӯзҳои фарҳанги Тоҷикистон дар Қирғизистон ба анҷом расиданд
Дар Женева мулоқоти Шараф Шерализода бо сафирони кишварҳои хориҷӣ доир гардид
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
Шараф Шерализода бо Дабири кулли Иттиҳоди байнипарлумонӣ мулоқот намуд
РАВАНДИ ОБИ ДУШАНБЕ. Шабакаи «Abu Dhabi TV» ҳадафҳои Конфронси байналмилалии обро шарҳ дод
