Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
ДУШАНБЕ, 30.05.2025 /АМИТ «Ховар»/. Имрӯз дар шаҳри Душанбе дар доираи баргузории Конфронси байналмилалии сатҳи баланд оид ба ҳифзи пиряхҳо мулоқоти муовини Сарвазири Ҷумҳурии Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара баргузор гардид.
Зимни суҳбат доираи васеи масъалаҳои марбут ба рушди ҳамкории дуҷониба ва бисёрҷониба мавриди баррасӣ қарор дода шуда, зарурати таҳкиму тавсеаи муносибатҳои дӯстона байни Ҷумҳурии Тоҷикистон ва Шоҳигарии Лесото таъкид гардид.
Дар ҷараёни мулоқот иброз гардид, ки Тоҷикистон ва Лесото ҳамчун кишварҳои кӯҳии болооб дорои имкониятҳои муштарак дар бахшҳои гидроэнергетика ва истифодаи оқилонаи захираҳои обӣ мебошанд. Муовини Сарвазири Тоҷикистон омодагии кишварро барои омӯзиши имкониятҳои ҳамкории муштарак, аз ҷумла дар татбиқи лоиҳаҳои гидротехникӣ бо мақомоти марбутаи Лесото иброз дошт.
Ҷонибҳо инчунин зарурати таҳкими пояи қарордодию ҳуқуқӣ ва таъсиси Комиссияи муштараки байниҳукуматӣ оид ба ҳамкории иқтисодӣ, тиҷоратӣ ва илмӣ-техникиро таъкид намуданд.
Дар мулоқот ҳамзамон ба масъалаҳои тавсеаи ҳамкорӣ дар бахшҳои маориф, илм, кишоварзӣ, рушди саноати сабз ва табодули таҷриба дар соҳаи коркарди маҳсулоти хом ва истеҳсоли энергия таваҷҷуҳи махсус зоҳир гардид.
Ҷонибҳо мавқеи муштарак ва ё наздики худро дар масъалаҳои муҳими ҷаҳонӣ, аз ҷумла дастгирии Лесото аз ташаббусҳои байналмилалии Тоҷикистон дар соҳаи обу иқлим дар сатҳи Созмони Милали Муттаҳид таъкид намуданд.
АКС: АМИТ «Ховар»
Сафири Тоҷикистон бо Президенти Кантони Сюрих мулоқот намуд
Сафири Тоҷикистон дар Австрия бо Президенти Ассотсиатсияи табибони «Avicenna» вохӯрӣ намуд
Ҳамкории Тоҷикистон бо Палатаи муштараки тиҷоратии Швейтсария баррасӣ гардид
Сафири Тоҷикистон бо раиси Маркази миллии ҳамкории судии байналмилалии Ироқ мулоқот намуд
Қоҳир Расулзода бо директори Бюрои рушди телекоммуникатсияи Иттиҳоди байналмилалии телекоммуникатсия Космас Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Дар Давҳа 35-солагии Истиқлоли давлатии Тоҷикистон таҷлил гардид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
