Наваскарони қисми низомӣ дар ноҳияи Лахш савганди садоқат ба Ватан ёд намуданд
ЛАХШ, 12.05.2025 /АМИТ«Ховар»/. Дар қисми низомии Вазорати мудофиаи Ҷумҳурии Тоҷикистон, воқеъ дар ноҳияи Лахш маросими савгандёдкунии сарбозон баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Лахш хабар доданд.
Маросими савгандёдкунии наваскарони қисми низомӣ дар асоси муқаррароти Оинномаи сафороии Қувваҳои Мусаллаҳи Тоҷикистон бо даровардани Байрақи ҷангӣ ва садо додани Суруди миллӣ оғоз гардид.
Ҳар аскар дар назди масъулини роҳбарикунандаи қисми ҳарбӣ ва падару модарон савганд ёд намуда, қавл дод, ки сарбози содиқу бошарафи Ватан гардида, на танҳо давоми хизмат, балки тамоми умр барои таъмини суботу амнияти мамлакат хизмат менамояд. Зеро ҳимояи давлату ҷомеа ва таъмини амнияти шахс вазифаи сарбозони Ватан — ҷавонони бонангу ор мебошад. Аскарон садоқату самимияти худро зери Байрақи ҷангии қисми ҳарбӣ бо ибораи басе пурифтихор- хизмати содиқона ба халқу Ватан ифода карданд. Сипас, бо шараф хондан ба Сарфармондеҳи Олии Қувваҳои Мусаллаҳ изҳор доштанд, ки дар ин роҳи пуршараф ва боиси ифтихору сарфарозӣ қадамҳои устувор гузошта, хизмати масъулиятноки низомиро сарбаландона пеш мебаранд.
Наваскарон давоми хизмати ҳарбӣ меъёрҳои оинномавӣ ва дигар уҳдадориҳои ҳарбиро аз худ карда, барои ёд намудани Савганди ҳарбӣ омода шудаанд. Аскарон Савганди ҳарбӣ ёд мекунанд ва ҳамчун сарбозони комилҳуқуқи Артиши миллӣ тамоми вазифаю уҳдадориҳои ҳарбию хизматиро мустақилона иҷро менамоянд, зеро то аскар Савганди ҳарбӣ ёд накунад, наметавонад уҳдадориҳои ҳарбияшро иҷро намояд.
Бояд гуфт, ки савганди ҳарбӣ ҳар сарбозро водор мекунад, ки давоми хизмати ҳарбӣ бо номуси фарзандӣ ва ғурури ҷавонмардона вазифаи конститутсиониашро сарбаландона адо намояд.
АКС: Мақомоти иҷроияи ҳокимияти давлатии ноҳияи Лахш
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
