Ноиби Президенти Бонки Осиёии рушд: «Мо дар ҳалли мушкилоти обшавии пиряхҳо ва ҳифзи захираҳои обӣ кумак менамоем»
ДУШАНБЕ, 30.05.2025. /АМИТ «Ховар»/. Ман хеле шод ва сипосгузор ҳастам, ки Ҳукумати Тоҷикистон ҳамроҳ бо созмонҳои зиёди ҷаҳонӣ чунин чорабинии васеъмиқёс баргузор намуда, тамоми ҷаҳонро ба таваҷҷуҳ зоҳир намудан ба чунин мушкилии муҳими ҷаҳонӣ, ба мисли обшавии пиряхҳо ва ҳифзи захираҳои обӣ даъват менамояд. Чунин иброз намуд ноиби Президенти Бонки Осиёии рушд Ингминг Янг зимни баргузории Конфронси байналмилалии сатҳи баланд оид ба ҳифзи пиряхҳо.
Ингминг Янг изҳор дошт, ки обшавии босуръати пиряхҳо, ки манбаи асосии оби ошомидании сокинони сайёра мебошанд, метавонад боиси коҳишёбии минбаъдаи сарчашмаи оби ошомидании тоза гардида, аҳолии ҷаҳонро ба ҳодисаҳои зиёди иҷтимоӣ ва иқтисодӣ дучор намояд.
«Танҳо дар Осиё ҳаёти беш аз 2 миллиард нафар дар зери хатар қарор дорад. Аз ин хотир Бонки Осиёии рушд ҳамчун шарики боэътимод дар Осиё ва ҳавзаи уқёнуси Ором дар ҳалли ин мушкилоти мураккаб кумак менамояд. Дар Осиёи Марказӣ, ки дар он пиряхҳо то 70% маҷрои дарёҳоро ташкил медиҳанд, Бонки Осиёии рушд ташаббуси тағйирёбандаро бо номи «Пиряхҳо дар хоҷагиҳо» оғоз намуд. Тавассути ин барномаи пешрафтаи минтақавӣ мо ба истифодаи устувори об ва амнияти озуқаворӣ дар нуҳ давлат, аз ҷумла Тоҷикистон мусоидат менамоем», -афзуд ноиби Президенти Бонки Осиёии рушд.
Ингминг Янг изҳор дошт, ки якҷоя бо Фонди Иқлими Сабз мо мақсад дорем, ки 3,5 миллиард доллари ИМА-ро барои сармоягузориҳои мутобиқшавӣ тавассути пиряхҳо ба хоҷагиҳо, аз ҷумла ба бахши хусусӣ равон кунем. Мехостам таъкид намоям, ки шарикон, ба монанди Фонди Иқлими Сабз ва бахши хусусӣ дар пешбурди мудохилаҳои инноватсионии мутобиқшавӣ ба иқлим барои бахшҳои осебпазири минтақаи мо, аз ҷумла кишоварзӣ, об, тандурустӣ ва ҳифзи иҷтимоӣ муҳим мебошанд.
Иброз гардид, ки Барномаи ҳамкории иқтисодии минтақавии Осиёи Марказӣ (CAREC), ки аз ҷониби Бонки Осиёии рушд, Бонки ҷаҳонӣ ва дигар ниҳодҳои байналмилалӣ дастгирӣ мешавад, тавассути мусоидат ба табодули дониш ва муколамаи сиёсӣ байни кишварҳо оид ба идоракунии захираҳои об ба ҳамкории бештар мусоидат менамояд.
Ноиби Президенти Бонки Осиёии рушд даъват ба амал овард, ки пеш аз ҳама, мо бояд ҳамкории ҳукуматҳо, ҷамоатҳо ва бахши хусусиро вусъат диҳем. «Дуюм, бояд ба кишварҳо дар иваз кардани сӯзишвории истихроҷшаванда ба энергияи тоза ба тавре, ки ба дастрасии энергетикӣ ва рушди иқтисодӣ осеб нарасонанд, кумак расонида шавад. Ин роҳи боэътимоди суст кардани ақибнишинии пиряхҳо ва устувории рушд аст. Тарҳи Неругоҳи барқи обии «Роғун» дар Тоҷикистон намунаи хуб аст», -таъкид намуд Ингминг Янг.
Зарангези ЛАТИФ,
АМИТ «Ховар»
АКС: АМИТ «Ховар»
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
