Пешвои миллат: «Давлатҳо ва созмонҳои байлналмилалиро зарур аст барои ҳифзи пиряхҳо саҳми молиявии бештар гузоранд»
ДУШАНБЕ, 30.05.2025. /АМИТ «Ховар»/. Тоҷикистон давоми бист соли охир рӯзномаи об ва иқлимро дар арсаи байналмилалӣ фаъолона пешбарӣ намуда, ҳамзамон бо ин зарурати вокуниши фаврию муштаракро барои ҳифзи пиряхҳо таъкид менамояд. Бо назардошти аҳаммияти ин масъала бо ибтикори Тоҷикистон дар асоси қатъномаи Маҷмаи Умумии Созмони Милали Муттаҳид соли 2025 Соли байналмилалии ҳифзи пиряхҳо ва 21 март Рӯзи ҷаҳонии пиряхҳо эълон гардида, дар назди Созмони Милали Муттаҳид Бунёди эътимоди байналмилалӣ оид ба ҳифзи пиряхҳо таъсис дода шуд. Чунин иброз доштанд Президенти Ҷумҳурии Тоҷикистон муҳтарам Эмомалӣ Раҳмон имрӯз дар Конфронси байналмилалии сатҳи баланд оид ба ҳифзи пиряхҳо дар «Кохи Сомон».
Сарвари давлат изҳор доштанд, ки давлатҳо ва созмонҳои байлналмилалию минтақавиро зарур аст бо мақсади таъмини фаъолияти босамари ин Бунёд саҳми молиявии бештар гузоранд.
«Боварӣ дорам, ки ҷонибдорӣ аз ин қатънома дар пешбурди мавзуи обу иқлим, махсусан татбиқи босамари ҳадафҳои пешбинишуда саҳми назаррас хоҳад гузошт», — баён доштанд Президенти Тоҷикистон муҳтарам Эмомалӣ Раҳмон.
Пешвои миллат ҳамчунин иброз намуданд, ки бо ташаббуси Ҷумҳурии Тоҷикистон ва Ҷумҳурии Фаронса моҳи августи соли гузашта аз ҷониби Маҷмаи Умумии Созмони Милали Муттаҳид қатънома оид ба эълон кардани солҳои 2025-2034 «Даҳсолаи амал барои илмҳои яхшиносӣ» якдилона қабул гардид. Дар ин замина пешниҳод намуданд, ки шарикони рушд ва созмонҳои байналмилалӣ барои ҳалли ин мушкилот бо мо ҳамкории судманд намоянд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Донишгоҳи давлатии Бохтар оид ба Даҳсолаи таҳкими сулҳ ба хотири наслҳои оянда ҳамоиши илмӣ-амалӣ доир шуд
Ташаббусе, ки аз таҷрибаи сулҳи тоҷикон сарчашма мегирад
Дар ноҳияи Ёвон бахшида ба ташаббуси навбатии ҷаҳонии Тоҷикистон конференсия ва роҳпаймоии сулҳ баргузор гардид
Талошҳои Президенти Тоҷикистон дар ташаккул ва пешбурди дипломатияи сулҳофарӣ дар муносибатҳои байналмилалӣ назаррасанд
СУЛҲУ ОРОМӢ — АРЗИШИ МУҚАДДАСУ ТАЪРИХӢ. Мулоҳизаҳо дар ҳошияи ташаббусҳои байналмилалии Президенти Тоҷикистон
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Ашқобод доир ба аҳамияти қабули қатъномаи СММ оид ба Даҳсолаи байналмилалии таҳкими сулҳ нишасти матбуотӣ баргузор шуд
Ташаббуси байналмилалии Тоҷикистон барои таҳкими сулҳ ба хотири наслҳои оянда аҳамияти ҳуқуқӣ ва сиёсии хос дорад
