Ректори Донишгоҳи давлатии Самарқанд «Доктори фахрӣ»-и Донишгоҳи миллии Тоҷикистон шуд
ДУШАНБЕ, 20.05.2025. /АМИТ «Ховар»/. Дар ҷаласаи васеи ғайринавбатии Шурои олимони Донишгоҳи миллии Тоҷикистон доктори илмҳои техникӣ, профессор, ректори Донишгоҳи давлатии Самарқанд ба номи Шароф Рашидов- Рустам Холмуродов бо унвони ифтихории «Доктори фахрӣ»-и Донишгоҳи миллии Тоҷикистон сарфароз гардонида шуд. Дар ин хусус ба АМИТ «Ховар» аз Донишгоҳи миллӣ хабар доданд.
Муовини Сарвазири Ҷумҳурии Тоҷикистон Дилрабо Мансурӣ вобаста ба заминаҳои устувори ҳамкории илмӣ, фарҳангӣ ва таълимии Тоҷикистону Узбекистон ва нақши муассиру созандаи профессор Рустам Холмуродов дар таҳкими ин муносибатҳо сухан гуфт.
Таъкид шуд, ки шахсияти донишманд ва роҳбари ботаҷрибаи таълимӣ ва илмӣ будани профессор Рустам Холмуродов дар рушди равобити дуҷонибаи муассисаҳои таҳсилоти олии ду давлат саҳми назаррас гузоштааст.
Ректори Донишгоҳи миллии Тоҷикистон, доктори илмҳои ҳуқуқшиносӣ, профессор Эмомалӣ Насриддинзода иброз намуд, ки ин иқдом дар заминаи сиёсати хирадмандонаи роҳбарони олии ду давлати дӯсту ҳамҷавор – Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев амалӣ мегардад, ки дар таҳкими муносибатҳои неки ҳамкорӣ, таърихан устувор ва дар замони муосир рӯ ба густариш нақши калидӣ доранд.
Профессор Рустам Холмуродов изҳор дошт, ки сарфароз гардидан ба унвони ифтихории «Доктори фахрӣ»-и Донишгоҳи миллии Тоҷикистон барои ӯ, пеш аз ҳама, эҳтиром ва арҷгузорӣ ба арзишҳои баланди илм, маориф ва таълиму тарбия мебошад.
АКС: Донишгоҳи миллии Тоҷикистон
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
