Сафири Тоҷикистон ба Президенти Шри-Ланка Анура Кумара Диссанаяке эътимоднома супорид

Май 17, 2025 10:21

ДУШАНБЕ, 17.05.2025 /АМИТ «Ховар»/. 15 май Сафири Фавқулода ва Мухтори Ҷумҳурии Тоҷикистон дар Ҷумҳурии Демократии Сотсиалистии Шри-Ланка (қароргоҳ дар Деҳлии Нав) Луқмон Бобокалонзода ба Президенти Шри-Ланка Анура Кумара Диссанаяке эътимоднома супорид.

Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимни супоридани эътимоднома сафир дуруду таманниёти неки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба Президенти Шри-Ланка расонид.

Пас аз эътимодномасупорӣ мулоқоти Сафири Тоҷикистон бо вазири корҳои хориҷӣ, шуғл ва сайёҳии Шри-Ланка Виҷита Ҳерат баргузор гардид.

Дар ҷараёни мулоқот ҷонибҳо дар мавриди татбиқи санадҳои имзошуда байни ду давлат ва ба роҳ мондани фаъолияти механизмҳои машваратҳои дуҷонибаи сиёсӣ, тиҷоратӣ ва иқтисодӣ мубодилаи афкор анҷом доданд.

АКС: Вазорати корҳои хориҷии Ҷумҳурии Тоҷикистон

Май 17, 2025 10:21

Хабарҳои дигари ин бахш

Вазири корҳои хориҷии Ҷумҳурии Исломии Эрон бо сафари расмӣ ба Ҷумҳурии Тоҷикистон ташриф меорад
Густариши ҳамкории Тоҷикистон ва Ангола дар соҳаҳои мухталиф баррасӣ шуд
Густариши ҳамкории Тоҷикистон бо Бонки исломии рушд баррасӣ шуд
Сафари давлатии Президенти Муғулистон дар Ҷумҳурии Тоҷикистон анҷом ёфт
Қатъномаи таърихии Тоҷикистон оид ба зеҳни сунъӣ дар Маҷмаи Умумии СММ қабул гардид
Сарвазири Тоҷикистон Қоҳир Расулзода дар Конфронси байналмилалии экологӣ иштирок намуд
Байни вазоратҳои корҳои хориҷии Тоҷикистону Муғулистон Ёддошти тафоҳум оид ба ҳамкорӣ ба имзо расид
Президенти Муғулистон Ухнаагийн Хурэлсух дар пояи муҷассамаи Исмоили Сомонӣ гулчанбар гузошт
Президенти Муғулистон Ухнаагийн Хурэлсух бо сафари давлатӣ ба Тоҷикистон ташриф овард
Имрӯз Президенти Муғулистон бо сафари давлатӣ ба Ҷумҳурии Тоҷикистон ташриф меорад
Сафири навтаъйини Чин дар Тоҷикистон нусхаи эътимоднома супорид
Густариши ҳамкорӣ байни Тоҷикистон ва Баҳрайн дар бахши сайёҳӣ баррасӣ шуд