Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
ДУШАНБЕ, 30.05.2025 /АМИТ «Ховар»/. Имрӯз Сарвазири Ҷумҳурии Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд.
Дар мулоқот вазъ ва дурнамои муносибатҳои байниҳукуматии Тоҷикистон ва Малдив дар соҳаҳои мавриди таваҷҷуҳ баррасӣ гардид.
Қоҳир Расулзода изҳор намуд, ки ташрифи ҳайати Малдив ба Душанбе ва иштирок дар кори нахустин Конференсияи байналмилалии сатҳи баланд оид ба ҳифзи пиряхҳо метавонад воситаи муҳими таҳкими муносибатҳои дуҷониба байни ду давлат гардад.
Ҷонибҳо доир ба амалисозии ташаббусҳои бузурги байналмилалии Тоҷикистон дар соҳаи обу иқлим, рушди ҳамкорӣ дар соҳаҳои иқтисоду тиҷорат, сармоягузорӣ, фарҳанг ва сайёҳӣ табодули афкор намуданд.
Тавре таъкид карда шуд, Тоҷикистон ба рушди муносибатҳо бо Ҷумҳурии Малдив ҳавасманд мебошад ва дар ин самт аз имконоти мавҷуда самаранок истифода менамояд.
Зимни мулоқот ҳамчунин ташкили сафарҳои доираҳои сиёсӣ ва иқтисодии Тоҷикистон ба Малдив бо мақсади шиносоӣ бо имконоти бахши хусусӣ, тиҷорату сармоягузорӣ муҳим арзёбӣ гардид ва омодагии ҷониби Тоҷикистон барои содироти маҳсулоти хушсифати кишоварзӣ ва хушкмеваҳо ба Малдив таъкид карда шуд.
АКС: АМИТ «Ховар»
Раванди оби Душанбе – арсаи муҳим дар ҳалли мушкилоти ҷаҳонии об
Таҳкими ҳамкорӣ байни Тоҷикистон ва Озарбойҷон дар соҳаи телевизион ва радиошунавонӣ баррасӣ гардид
Дар шаҳри Тифлис машваратҳои сиёсӣ байни Тоҷикистону Гурҷистон баргузор гардиданд
Сафири Тоҷикистон ба Президенти Иёлоти Муттаҳидаи Амрико эътимоднома супорид
Сафири Тоҷикистон дар Фаронса бо дабири кулли Бюрои байналмилалии намоишгоҳҳо мулоқот намуд
Намояндаи доимии Тоҷикистон бо Мудири кулли Созмони байналмилалии муҳоҷират мулоқот намуд
Ҳамкорӣ байни муассисаҳои таҳсилоти олии Тоҷикистон ва Донишгоҳи Мустақбал баррасӣ шуд
Намояндагони Сафорати Тоҷикистон бо роҳбарияти Донишгоҳи давлатии идоракунии Русия мулоқот анҷом доданд
Дар Анқара аҳамияти афзоиши гардиши мол ва ҷалби сармоя байни Тоҷикистон ва Туркия баррасӣ гардид
Намояндаи Тоҷикистон дар ҷаласаи 88-уми Кумитаи нақлиёти дохилии Комиссияи иқтисодии СММ барои Аврупо иштирок намуд
Таҳкими шарикӣ байни бахшҳои хусусии Тоҷикистон ва минтақаи Қасими Арабистони Саудӣ баррасӣ шуд
Тоҷикистон ва Австрия нақшаи ҳамкориро барои соли 2026 мавриди баррасӣ қарор доданд
