Тақрибан 1700 нафар барои иштирок дар Конфронси байналмилалии сатҳи баланд оид ба ҳифзи пиряхҳо дар Душанбе сабти ном шудаанд
ДУШАНБЕ, 20.05.2025 /АМИТ «Ховар»/. То имрӯз тақрибан 1700 нафар сиёсатмадорон, коршиносон ва олимон барои иштирок дар Конфронси байналмилалии сатҳи баланд оид ба ҳифзи пиряхҳо, ки 29-31 май дар Душанбе баргузор мешавад, номнавис шудаанд. Дар ин хусус 20 май дар брифинге, ки дар Вазорати корҳои хориҷии Тоҷикистон баргузор гардид, ба намояндагони воситаҳои ахбори омма хабар дода шуд, иттилоъ медиҳад хабарнигори АМИТ «Ховар».
Дар ин конфронс 55 кишвари аъзои Созмони Милали Муттаҳид, 48 созмон, аз ҷумла 1 сарвазир, 5 муовини президент, 5 муовини дабири кулли Созмони Милали Муттаҳид, 11 вазир ва дигарон иштироки худро тасдиқ намудаанд.
Зимнан гуфта шуд, ки сомонаи конфронси сатҳи баланд: https://dushanbeicgp2025.com/. фаъолият менамояд ва бақайдгирии иштирокчиён идома дорад.
Дар брифинг таъкид шуд, ки «барномаи муфассали конфронс дар ҳоли анҷомёбӣ қарор дорад».
Конфронси байналмилалӣ дар доираи Соли байналмилалии ҳифзи пиряхҳо, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон пешниҳод шуда, аз ҷониби зиёда аз 150 кишвари аъзои Созмони Милали Муттаҳид тарафдорӣ ва бо қатъномаи Маҷмаи Умумии Созмони Милали Муттаҳид қабул гардид, гузаронида мешавад.
Марзия САИДЗОДА,
АМИТ «Ховар»
АКС: АМИТ «Ховар»
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Ташаббуси Тоҷикистон дар СММ: масъулияти байнинаслӣ ҳамчун парадигмаи нави ҳуқуқи сулҳ. Андешаҳо дар ин маврид
