Таҳти унвони «Тоҷикистон ва бозори ҷаҳонии сайёҳӣ» конфронси байналмилалӣ баргузор гардид
ДУШАНБЕ, 21.05.2025 /АМИТ «Ховар»/. «Тоҷикистон ва бозори ҷаҳонии сайёҳӣ»- таҳти чунин унвон 21 май дар Донишгоҳи байналмилалии сайёҳӣ ва соҳибкории Тоҷикистон конфронси байналмилалӣ баргузор гардид.
Аз Донишгоҳи байналмилалии сайёҳӣ ва соҳибкории Тоҷикистон ба АМИТ «Ховар» иттилоъ доданд, ки конфронси сатҳи баланд бо ибтикори Институти илмию тадқиқотии сайёҳӣ ва соҳибкории назди Донишгоҳ гузаронида шуд.
Баррасии дурнамо ва имконоти рушди соҳаи сайёҳӣ дар Ҷумҳурии Тоҷикистон, ҷалби сармоягузории хориҷӣ, тақвияти ҳамкории минтақавӣ ва байналмилалӣ, ҳамчунин мутобиқсозии низоми таълим ва таҳқиқоти илмӣ ба талаботи бозори ҷаҳонии сайёҳӣ аз ҳадафҳои асосии конфронси байналалмилалии «Тоҷикистон ва бозори ҷаҳонии сайёҳӣ» арзёбӣ карда шуданд.
Таъкид гардид, ки соҳаи сайёҳӣ дар Стратегияи миллии рушди Тоҷикистон ҳамчун яке аз самтҳои афзалиятнок муайян шуда, барои муаррифии фарҳангу табиати нотакрори мамлакат дар арсаи байналмилалӣ нақши калидӣ дорад.
Конфронс дар шакли маҷлиси умумӣ ва ҷаласаҳои мавзуӣ доир шуда, масъалаҳои рушди сайёҳии устувор, эко- ва агротуризм, рақамикунонии хизматрасониҳои сайёҳӣ, омодасозии кадрҳои баландихтисос ва дигар мавзуъҳои муҳимро дар бар гирифт.
Дар анҷом иштирокчиён зарурати тақвияти робитаҳои илмӣ, амалӣ ва иқтисодиро дар соҳаи сайёҳӣ таъкид намуда, барои рушди бозори сайёҳии Тоҷикистон дар ҳамбастагӣ бо низоми ҷаҳонии сайёҳӣ пешниҳоду тавсияҳои мушаххас манзур намуданд.
АКС: Донишгоҳи байналмилалии сайёҳӣ ва соҳибкории Тоҷикистон
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
Телефони боварии Кумитаи рушди сайёҳӣ мушкили беш аз 30 ҷаҳонгарди хориҷиро бартараф намуд
НИШАСТИ МАТБУОТӢ. 34 ҳазору 80 нафар сайёҳони дохилию хориҷӣ минтақаҳои истироҳатӣ ва мавзеъҳои таърихии ноҳияи Варзобро тамошо намуданд
Ба шаҳри Норак беш аз 39 ҳазор сайёҳи дохилию хориҷӣ ворид гардид
НИШАСТИ МАТБУОТӢ. Дар Тоҷикистон шумораи сайёҳони хориҷӣ ва субъектҳои хизматрасони сайёҳӣ зиёд шудааст
Донишгоҳи байналмилалии сайёҳӣ ва соҳибкории Тоҷикистон ҳамкориро бо Бунёди Ҳаннс Зайдел тақвият медиҳад
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
Соли 2025 ба шаҳри Душанбе беш аз 450 ҳазор сайёҳ ворид гардид
Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
НИШАСТИ МАТБУОТӢ. Дар даври якуми қабул ба Донишгоҳи байналмилалии сайёҳӣ ва соҳибкории Тоҷикистон беш аз 3 ҳазор донишҷӯ дохил шуд
Ҳамкории Тоҷикистон ва Муғулистон дар соҳаи сайёҳӣ густариш меёбад
