Тақвияти ҳамкории гумрукӣ байни Тоҷикистон ва Чин баррасӣ гардид
ДУШАНБЕ, 22.05.2025 /АМИТ «Ховар»/. Тақвияти ҳамкории гумрукӣ байни мақомоти гумруки Ҷумҳурии Тоҷикистон ва Ҷумҳурии Мардумии Чин дар мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо Вазир, Котиби кумитаи ҳизбии Саридораи гумруки Чин хонум Сун Мэйҷун дар Алмато баррасӣ гардид, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Мулоқоти ҳайатҳои мақомоти гумруки Тоҷикистон ва Чин дар ҳошияи ҷаласаи дуюми роҳбарони мақомоти гумруки кишварҳои Осиёи Марказӣ ва Ҷумҳурии Мардумии Чин баргузор гардид.
Дар мулоқот ҷонибҳо масъалаҳои марбут ба ҳалли мушкилот вобаста ба нокифоя будани ҳуҷҷатгузорӣ ҳангоми интиқоли байнисарҳадии молҳо, такмили механизмҳои рақамисозии ҳамкорӣ байни мақомоти гумрук, амалӣ намудани воситаҳои ҳамаҷонибаи арзёбии хавфҳо ва низоми мубодилаи маълумоти пешакиро баррасӣ намуданд.
Таваҷҷуҳи махсус ба масъалаи фарқияти омори гумрукӣ байни кишварҳо зоҳир гардид. Дар натиҷаи муҳокима тарафҳо ба хулосаи ягона расиданд, ки барои бартараф намудани ин масъала таъсиси механизми самараноки ҳалли мушкилоти фарқият дар маълумоти омори гумрукӣ тавассути таъйин намудани шахсони тамоси масъул ва ташкили гурӯҳи кории муштарак оид ба ҳамоҳангсозии омори гумрукӣ зарур мебошад.
Мулоқот дар фазои муколамаи созанда ва эҳтироми мутақобил доир гардида, тарафҳо барои густариши минбаъдаи ҳамкорӣ дар соҳаи рақамикунонии расмиёти гумрукӣ ва татбиқи ҳалли инноватсионӣ, ки ба пешбурди тиҷорат ва таъмини амнияти фаъолияти иқтисоди хориҷӣ равона шудаанд, изҳори омодагӣ намуданд.
АКС: Хадамоти гумруки назди Ҳукумати Ҷумҳурии Тоҷикистон
Байни Палатаи савдо ва саноати Тоҷикистон ва Корпоратсияи саҳомии молиявии «Система»-и Русия Ёддошти тафоҳум ба имзо расид
Дар Бонки миллии Тоҷикистон бо иштироки коршиносони байналмилалии IFSB ҳамоиш баргузор гардид
Байни Палатаи ҳисоби Тоҷикистон ва Идораи аудити давлатии Гурҷистон Ёддошти тафоҳум оид ба ҳамкорӣ ба имзо расид
Муовини Сарвазири Тоҷикистон бо рафти кишти такрорӣ дар ноҳияи Зафаробод шинос шуд
Дар Душанбе вохӯрии якуми Шурои кории Тоҷикистону Қирғизистон баргузор гардид
Татбиқи «Стратегияи рушди соҳаи алоқаи Ҷумҳурии Тоҷикистон барои давраи то соли 2040» баррасӣ гардид
Масъалаи таҳвили нафт ва маҳсулоти нафтӣ аз Эрон ба Тоҷикистон баррасӣ шуд
Сарвазири Гурҷистон аз Намоишгоҳи молу маҳсулоти кишоварзӣ ва саноати хӯроквории Тоҷикистон боздид намуд
Дар Бишкек масъалаи татбиқи лоиҳаи Хати лӯлаи гази транзитии «Осиёи Марказӣ – Чин» баррасӣ шуд
Байни Тоҷикистон ва Гурҷистон Ёддошти тафоҳум оид ба ҳамкорӣ дар соҳаи кишоварзӣ ба имзо расид
Муколамаи вазирони энергетика дар қолаби «Русия + Осиёи Марказӣ» баргузор шуд
Байни Тоҷикистон ва Гурҷистон Созишнома ҳамкорӣ дар соҳаи алоқаи ҳавоӣ ба имзо расид
