Тоҷикистон ҷомеаи ҷаҳонро ба ҳамкорӣ дар ҳифзи пиряхҳо даъват менамояд
ДУШАНБЕ, 20.05.2025 /АМИТ «Ховар»/. Тоҷикистон ҳамчун ташаббускори муҳими иқдоми ҷаҳонии экологӣ аз тамоми ҷонибҳои манфиатдор даъват менамояд, ки 29-31 май дар Конфронси байналмилалии сатҳи баланд оид ба ҳифзи пиряхҳо дар шаҳри Душанбе фаъолона саҳм гузоранд. Дар ин хусус 20 май зимни брифинге, ки дар Вазорати корҳои хориҷии Тоҷикистон баргузор гардид, ба хабарнигорон иттилоъ дода шуд, хабар медиҳад мухбири АМИТ «Ховар».
Конфронс барои шарикон заминаи арзишманде фароҳам меорад, то саҳми худро дар ҳалли масъалаҳои муҳими марбут ба пиряхҳо дар миқёси ҷаҳонӣ муаррифӣ намоянд.
Интизор меравад, ки маърузаҳо ба қатъномаи Маҷмаи Умумии Созмони Милали Муттаҳид «2025-Соли байналмилалии ҳифзи пиряхҳо» ва ҳадафҳои COP-30, ки ба таъсири тағйирёбии глобалии иқлим ба пиряхҳо, маблағгузорӣ ва дастгирӣ, сиёсатҳо ва нақшаҳои амал дар ин соҳаҳо ва «Даҳсолаи амал оид ба илмҳои криосфера 2025-2034» нигаронида шудаанд, мусоидат менамоянд.
Аз маърузачиён даъват карда мешавад, ки ба таври ихтиёрӣ уҳдадорӣ ё изҳоротро оид ба дастгирии ташаббусҳои марбут ба пиряхҳо, аз ҷумла саҳмҳо ба фонди боварибахши Созмони Милали Муттаҳид, ки аз ҷониби Дабири кул барои дастгирии кӯшишҳои ҳифзи пиряхҳо ҳамоҳанг карда мешаванд, пешниҳод намоянд.
Ин чорабинии муҳим дар доираи Соли байналмилалии ҳифзи пиряхҳо, ки бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон эълон гардида, аз ҷониби зиёда аз 150 кишвари аъзои Созмони Милали Муттаҳид дар иҷлосияи 77-уми Маҷмаи Умумии Созмони Милали Муттаҳид 12 декабри соли 2022 дастгирӣ ёфт, гузаронида мешавад.
Марзия САИДЗОДА,
АМИТ «Ховар»
АКС: АМИТ «Ховар»
Қоҳир Расулзода бо Сарвазири Ҷумҳурии Бошқирдистони Федератсияи Русия Андрей Назаров мулоқот намуд
Cафири Тоҷикистон бо Директори Дафтари робитавии Созмони озуқаворӣ ва кишоварзӣ мулоқот намуд
Намунаи либосҳои тоҷикӣ дар чорабинии фарҳангии кишварҳои Осиё дар Корея намоиш дод шуд
Дар Женева имкониятҳо ва мавқеи Тоҷикистон оид ба устувории энергетикӣ муаррифӣ гардид
Байни вазоратҳои корҳои хориҷии Тоҷикистону Русия машваратҳо баргузор гардид
Масъалаи иштироки сармоягузорони Кувайт дар чорабиниҳои байналмилалии Тоҷикистон баррасӣ гардид
Дар Душанбе машваратҳои сиёсии Тоҷикистон ва Покистон баргузор гардиданд
Сарони ҳукуматҳои кишварҳои иштирокдори ИДМ бо Президенти Ҷумҳурии Беларус Александр Лукашенко мулоқот намуданд
Дар Ню-Йорк таҷрибаи муваффақи Тоҷикистон оид ба баргардонидани занону кӯдакон аз урдугоҳҳои Сурия муаррифӣ шуд
Қоҳир Расулзода дар ҷаласаи Шурои сарони ҳукуматҳои кишварҳои аъзои ИДМ ва Намоишгоҳи байналмилалии саноатии «ИННОПРОМ-Беларус-2025» иштирок намуд
Дар Вазорати корҳои хориҷии Тоҷикистон Рӯзи кормандони хизмати дипломатиро таҷлил намуданд
Дар Бадахшон оид ба ташаббусҳои ҷаҳонии Президенти Тоҷикистон ҳамоиши ҷумҳуриявӣ доир шуд
