Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд
ДУШАНБЕ, 01.06.2025. /АМИТ «Ховар»/. Дар шаҳри Ҳисор ба муносибати Рӯзи умумиҷаҳонии ҳифзи муҳити зист ду аксия бо иштироки кормандони Кумитаи иҷроияи Ҳизби Халқии Демократии Тоҷикистон дар шаҳри Ҳисор, шуъбаи ҳифзи муҳити зист ва аъзои Ташкилоти ҷамъиятии ҷавонон «Созандагони Ватан» баргузор гардид.
Аксияи якум таҳти унвони «Тозагии соҳил – 2025» доир шуда, дар он атрофи дарёи Чангоб ва макони оббозии кӯдакон аз партовҳо тоза карда шуд. Партовҳои ҷамъоваришуда тавассути боркашонҳои Муассисаи давлатии ободонӣ ва кабудизоркунӣ ба макони муайянгардида интиқол ёфтанд.
Ин иқдом бо мақсади иҷрои дастуру супоришҳои Пешвои миллат муҳтарам Эмомалӣ Раҳмон ҷиҳати нигоҳдории тозагии муҳити зист роҳандозӣ гардид.
Дар аксияи дуюм таҳти унвони «Зарурати ҳифзи пиряхҳо барои ояндаи сайёраи сабз» зиёда аз 500 адад буклетҳои иттилоотӣ байни сокинони шаҳри Ҳисор паҳн карда шуданд, то аҳолиро бо зарурати ҳифзи муҳити зист ва пиряхҳо шинос намоянд.
Ин тадбирҳо барои ташвиқи ҳисси масъулиятшиносӣ дар ҳифзи табиат ва рушди маърифати экологии мардум нигаронида шудаанд.
АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд
Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
Имрӯз дар Тоҷикистон ҳавои тағйирёбанда дар назар аст
28 июл дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
Байни Маркази тадқиқоти стратегии назди Президенти Ҷумҳурии Тоҷикистон ва Институти миллии тадқиқоти амниятии Муғулистон Ёддошти тафоҳум ба имзо расид
Имрӯз дар Тоҷикистон ҳарорат ба 38 дараҷа мерасад
Тоҷикистон мубодилаи почтаро бо Русия барқарор намуд
Сокинони деҳаҳои Ҷамоати деҳоти Навободи шаҳри Турсунзода бо оби тозаи нӯшокӣ таъмин гардиданд
Барои кормандони мақомоти молияи минтақаи Рашт машварати омӯзишӣ гузаронида шуд
