Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
ДУШАНБЕ, 25.06.2025. /АМИТ «Ховар»/. Дар ҷараёни ковишҳои бостоншиносӣ дар ёдгории Ҳалқаҷари деҳаи Сарбанди ноҳияи Хуросон аз ҷониби экспедитсияи бостоншиносии Осорхонаи миллӣ бозёфти басо нодири таърихӣ — кӯзаи дудастаи катибадор кашф гардид, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Тибқи иттилои манбаъ, дар танаи кӯза бо хат ва забони бохтарӣ навиштаҷот мавҷуд аст. Бо пайдо гардидани навиштаҷоти мазкур, мутахассисони Осорхонаи миллӣ ҷиҳати хондану таҳқиқи он ба муҳаққиқони барҷастаи забонҳои қадимии Эрони шарқӣ — Симс Вилиямс ва Ҷо Крибб муроҷиат намуданд. Олимони мазкур кашфи бозёфти нодирро бо хушнудӣ истиқбол намуда, навиштаҷотро чунин хонданд:«ИН ОБКӮЗАИ ХОНУМИ САГКИН АСТ».
Мутахассисони Осорхонаи миллӣ дар рафти ковишҳои бостоншиносӣ, аллакай дуюмин катибаҳои бохтариро, ки аҳамияти ҷаҳонӣ доранд, кашф намуданд. Аҳамият ва арзиши илмии ин катиба дар он аст, ки он дар шакли комил пайдо гардидааст.
Бешак навиштаҷоти мазкур дар илми забоншиносӣ ва таърих боз як саҳифаи тозаро бозкушоӣ менамояд.
АКС: Осорхонаи миллии Тоҷикистон
Гурӯҳи хабарнигорони Қирғизистон бо фаъолияти НБО-и «Норак» шинос шуданд
РАНГОМЕЗИИ НАВРӮЗ. Дар Узбекистон намоиши асарҳои рассомони тоҷик баргузор шуд
Дар шаҳри Бишкек Бозиҳои Делфӣ ба таври бошукуҳ ифтитоҳ шуданд
Дар Узбекистон Рӯзҳои кинои Тоҷикистон баргузор гардиданд
25 март даври дуюми Фестивали гулҳо таҳти унвони «Сайри гули лола» ҷамъбаст мегардад
Хабарнигорони Қирғизистон бо фаъолияти ду шабакаи телевизонӣ дар Тоҷикистон ва студияҳои сабти овоз шинос гардиданд
Ҳайати Тоҷикистон дар Бозиҳои байналмилалии Делфӣ дар Қирғизистон иштирок дорад
Намоишномаи ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Узбекистон пешниҳод мегардад
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
