«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид

Июнь 20, 2025 17:00

ДУШАНБЕ, 20.06.2025. /АМИТ «Ховар»/. Имрӯз дар саҳни Донишгоҳи давлатии Кӯлоб ба номи Абуабдуллоҳи Рӯдакӣ Форум ва намоишгоҳи байналмилалии сайёҳӣ таҳти унвони «Хатлон-қалби сайёҳӣ» бо  муарифии имкониятҳои сайёҳии 25 шаҳру ноҳияи вилояти Хатлон оғоз гардид. Дар намоишгоҳ мамнуъгоҳҳои табиӣ, ширкатҳои сайёҳии дохиливу хориҷии дар вилоятбуда, намоиши маҳсулоти ҳунармандону косибон, имкониятҳои саноативу иқтисодии минтақаҳои озоди иқтисодӣ пешниҳод гардид.

Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд,   форум ва намоишгоҳ барои ҷалби сайёҳони хориҷӣ, муаррифии имкониятҳои сайёҳии таърихию фарҳангӣ, табобатию экологӣ, кӯҳнавардӣ ва шикор, имкониятҳои сафар ва саёҳат ба вилояти Хатлон, инчунин таҳким ва банақшагирии ҳамкории муштарак байни ширкатҳои сайёҳӣ, осоишгоҳу истироҳатгоҳҳо, меҳмонхонаҳо ва дигар инфрасохтори сайёҳӣ имконияти васеъ фароҳам меорад.

Иттилоъ дода шуд, ки дар панҷ моҳи соли равон ба вилояти Хатлон беш аз 400 ҳазор нафар сайёҳон ташриф овардаанд, ки нисбат ба ҳамин давраи соли гузашта наздики 2 баробар афзоиш ёфтааст.

Ҳадафи асосии форуми имрӯза муаррифии имкониятҳои сайёҳии мамлакат, ҷалби таваҷҷуҳи ҷомеаи ҷаҳонӣ ва ташкили платформаи гуфтугӯи созанда миёни шарикон ва соҳибкорони соҳа мебошад. Дар кори он иштирокдорон рушд ва таҳкими ҳамкорӣ дар соҳаи сайёҳиро мавриди баррасӣ қарор доданд.

Форум дар се бахш: ҷалби сармоя ва татбиқи технологияҳои муосир барои рушди инфрасохтори сайёҳӣ, саёҳии тиббӣ ва солимгардонӣ, рушди устувори инфрасохтор ва иқтидорҳои табиӣ, фарҳанги креативӣ ва ҳунарҳои мардумӣ — омили рушд ва шиносоии Хатлон дар арсаи байналмилалӣ доир шуд.

Иброз гардид, ки вилояти Хатлон дорои захираҳои беназири табиӣ, таърихиву фарҳангӣ ва шароити мусоиди экологӣ буда, имкониятҳои фарохе барои густариши намудҳои гуногуни сайёҳӣ, аз қабили сайёҳии фарҳангиву таърихӣ, экологӣ, аграрӣ, муолиҷавӣ, кӯҳнавардӣ ва шикор пешниҳод мекунад.

Дар вилоят беш аз 900 ёдгории таърихиву фарҳангӣ ба қайд гирифта шудааст. Аз ҷумла, Қалъаи Ҳулбук, Аҷинатеппа, Тахти Сангин, мадрасаи Хоҷа Машҳад ва Мамнуъгоҳи «Бешаи Палангон» ба феҳрасти Мероси умумибашарии ЮНЕСКО шомил гардидаанд ва имкони ҷалби шумори зиёди сайёҳонро фароҳам меоранд.

АКС: Хадамоти матбуоти Раиси вилояти Хатлон

Июнь 20, 2025 17:00

Хабарҳои дигари ин бахш

27 СЕНТЯБР — РӮЗИ ҶАҲОНИИ САЙЁҲӢ. Воридшавии сайёҳони хориҷӣ ба Тоҷикистон дар ҳашт моҳ 34% афзоиш ёфтааст
«САЙРИ ДУШАНБЕ». Ба муносибати Рӯзи ҷаҳонии сайёҳӣ дар пойтахт хатсайри ройгон ташкил карда мешавад
DITE-2025: Душанбе ба маркази нави сайёҳии байналмилалӣ табдил меёбад
DITE-2025. Зиёда аз 10 ҳазору 500 нафар аз Намоишгоҳи байналмилалии сайёҳии Душанбе дидан намуданд
Масъалаи густариши ҳамкорӣ байни шаҳри Душанбе ва Ҷазираи Киш дар соҳаи сайёҳӣ баррасӣ шуд
Дар доираи баргузории Намоишгоҳи байналмилалии сайёҳии Душанбе ҷаласаи панелӣ ва дарси маҳорат доир гардиданд
Муслим Сафоӣ аз Эрон: «Соҳаи сайёҳӣ дар Тоҷикистон дар ҳоли рушд қарор дорад»
Байни ширкатҳои сайёҳии Тоҷикистон ва Қазони Федератсияи Русия шартномаи ҳамкорӣ ба имзо расид
Донишгоҳи байналмилалии сайёҳӣ ва соҳибкории Тоҷикистон бо донишгоҳҳои пешқадами Ҷопон робитаи мустақими академӣ ба роҳ мемонад
Дар Намоишгоҳи байналмилалии сайёҳии Душанбе беш аз 200 ширкати хизматрасони соҳа иштирок дорад
Вазири сайёҳии Монтенегро бо пойгоҳи омодасозии кадрҳои соҳаи сайёҳии Донишгоҳи байналмилалии сайёҳӣ ва соҳибкории Тоҷикистон шинос шуд
Намоишгоҳи байналмилалии сайёҳии Душанбе-2025 оғоз гардид