Тавсия: барои алоқа дар Узбекистон маблағ камтар сарф мекунем

Июнь 9, 2025 14:12

ДУШАНБЕ, 09.06.2025 /АМИТ «Ховар»/. Муштариёни ширкати «МегаФон Тоҷикистон» метавонанд дар рӯзҳои истироҳат ё ид ба Узбекистон сафар карда, доимо бо хонаашон дар тамос бошанд. Барои мизоҷони оператор, ҷиҳати муошират ва ҷустуҷӯи маълумот дар интернет, хизматрасонии муфиди «Ҳамсояҳои роумингӣ» бо нархҳои арзон ва бастаи «Узбекистон Онлайн» пешниҳод мегардад.

Ёдгориҳои Тошканд ва гумбазҳои кабуди Самарқанд, иморатҳои бостонии Бухоро ва Хива – дар Узбекистон ҷойҳои зиёди тамошо мавҷуданд, ки шаҳрвандони кишварамон орзуи дидани онҳоро доранд. Шартҳои махсуси пешниҳодкардаи МегаФон Тоҷикистон сафари шуморо боз ҳам ҷолибтар мегардонад.

Барои ба таври назаррас кам кардани хароҷот барои алоқа дар кишвари ҳамсоя, аввал бояд хизматрасонии «Роуминги қулай»-ро фаъол намоед. Амали мазкурро тариқи замимаи «МегаФон Life» ё бо истифодаи USSD-дархости *992*1# анҷом дода метавонед. Дар тавозуни телефон бояд на камтар аз 3 сомонӣ бошад.

Воситаи дуюм — пайваст кардани хизматрасонии “Ҳамсояҳои роумингӣ” бо USSD-дархости *390*1# ё тавассути “МегаФон Life” мебошад. Хизматрасонӣ барои истифода бурдани алоқа бо нархҳои муфид имкон медиҳад. Ҳамин тариқ, як дақиқаи даъвати воридотӣ 1,50 сомонӣ арзиш дорад. Шумо метавонед ба Тоҷикистон ва ё дар дохили Узбекистон бо нархи 2,50 сомонӣ барои як дақиқа занг занед. Ирсоли SMS-паёмак 0,30 сомонӣ арзиш дорад, нархи 1 МБ трафики интернет низ чунин аст. Ин аз нархҳои стандартӣ барои роуминги байналмилалӣ якчанд маротиба камтар аст.

Бастаи «Узбекистон Онлайн» имкон медиҳад, ки дар Интернет маълумотро дар бораи ҷойҳои тамошои Узбекистон ҷустуҷӯ кунед ё эҳсосоти худро аз сафар тавассути шабакаҳои иҷтимоӣ иброз намоед. Он 5 Гб трафики интернетро дар бар мегирад, ки онро дар давоми 30 рӯз аз рӯзи пайвасткунӣ истифода бурдан мумкин аст. Баста ҳангоми дастрасии аввалин ба интернет дар ҳудуди Узбекистон, агар дар суратҳисоби муштарӣ на камтар аз 18 сомонӣ бошад, ба таври автоматӣ фаъол мегардад.

Агар муштарӣ ҳангоми сафар аз хизматрасонии интернет истифода набурда бошад, метавонад бастаи «Узбекистон Онлайн»-ро хомӯш намояд ва дар ин ҳолат маблағи гирифташуда ба тавозуни телефон бармегардад. Барои қатъкунии хизматрасонӣ бояд дархости *305*64# рақамчинӣ гардад ё дар саҳифаи асосии замимаи “МегаФон Life” қисми Бақияи интернет дар равзанаи дорои тасвири глобус пайдо карда шавад. Дар рӯйхати бастаҳо бояд «Узбекистон Онлайн» пайдо карда шуда, дар бандҳои пешниҳодшуда ифодаи «Қатъ кардан» интихоб гардад.

Аз хизматрасонии “Ҳамсояҳои роумингӣ” ва бастаи “Узбекистон Онлайн” истифода баред, то ки ҳангоми сафар бо наздиконатон дар тамос бошед ва барои хизматрасониҳои телекоммуникатсионӣ маблағи зиёдатӣ сарф накунед!

Июнь 9, 2025 14:12

Хабарҳои дигари ин бахш

Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад