Қоҳир Расулзода бо Сарвазири Ҷумҳурии Беларус Александр Турчин мулоқот намуд
ДУШАНБЕ, 04.06.2025 /АМИТ «Ховар»/ — Имрӯз дар шаҳри Душанбе Сарвазири Ҷумҳурии Тоҷикистон Қоҳир Расулзода бо Сарвазири Ҷумҳурии Беларус Александр Турчин мулоқот анҷом дод, хабар медиҳад АМИТ «Ховар».
Зимни мулоқот ҷонибҳо вазъи кунунӣ ва дурнамои ҳамкории Тоҷикистону Беларусро мавриди баррасӣ қарор дода, ба тавсеаи ҳамёрии дуҷонибаи тиҷоративу иқтисодӣ, татбиқи лоиҳаҳои муштарак дар соҳаҳои саноат, кишоварзӣ ва логистикӣ, инчунин, фаъолсозии кооператсияи саноатӣ таваҷҷуҳи хосса зоҳир намуданд.
Ҷонибҳо махсусан муҳимияти таъсис ва рушди корхонаҳои муштаракро дар ҳарду давлат таъкид карданд. Дар ин робита саҳми корхонаҳои муштарак дар таҳкими иқтидори саноатӣ, табодули фанноварӣ ва ҳалли вазифаҳое, ки дар пешорӯи иқтисоди Тоҷикистону Беларус қарор доранд, таъкид карда шуд.
Дар анҷоми мулоқот омодагии ҷонибҳо барои таҳкими минбаъдаи ҳамкории дуҷониба дар руҳияи шарикии стратегӣ ва дастгирии мутақобила изҳор гардид.
Мулоқот дар доираи ҷаласаи Шурои сарони ҳукуматҳои кишварҳои аъзои Иттиҳоди Давлатҳои Мустақил, ки 5 июн дар Душанбе баргузор мегардад, анҷом дода шуд. Александр Турчин бо сафари корӣ барои иштирок дар ин чорабинӣ дар Тоҷикистон қарор дорад.
АКС: АМИТ «Ховар»
Сафири Тоҷикистон дар Фаронса бо дабири кулли Бюрои байналмилалии намоишгоҳҳо мулоқот намуд
Намояндаи доимии Тоҷикистон бо Мудири кулли Созмони байналмилалии муҳоҷират мулоқот намуд
Ҳамкорӣ байни муассисаҳои таҳсилоти олии Тоҷикистон ва Донишгоҳи Мустақбал баррасӣ шуд
Намояндагони Сафорати Тоҷикистон бо роҳбарияти Донишгоҳи давлатии идоракунии Русия мулоқот анҷом доданд
Дар Анқара аҳамияти афзоиши гардиши мол ва ҷалби сармоя байни Тоҷикистон ва Туркия баррасӣ гардид
Намояндаи Тоҷикистон дар ҷаласаи 88-уми Кумитаи нақлиёти дохилии Комиссияи иқтисодии СММ барои Аврупо иштирок намуд
Таҳкими шарикӣ байни бахшҳои хусусии Тоҷикистон ва минтақаи Қасими Арабистони Саудӣ баррасӣ шуд
Тоҷикистон ва Австрия нақшаи ҳамкориро барои соли 2026 мавриди баррасӣ қарор доданд
Ҳамкорӣ байни Тоҷикистон ва ЮНИСЕФ дар доираи барномаҳои афзалиятнок баррасӣ гардид
Сафири Тоҷикистон бо директори генералии Созмони умумиҷаҳонии савдо мулоқот намуд
Дар Вена ҳамкории иқтисодии Тоҷикистон бо сохторҳои марбутаи Австрия баррасӣ шуд
Сироҷиддин Муҳриддин бо сафири навтаъйини Италия дар Тоҷикистон мулоқот намуд
