Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
ДУШАНБЕ, 05.06.2025 /АМИТ «Ховар»/. Котиби генералии Иттиҳоди Давлатҳои Мустақил Сергей Лебедев зимни нишасти матбуотӣ изҳор дошт, ки имрӯз ҷаласаи Шурои сарони ҳукуматҳои кишварҳои Иттиҳоди Давлатҳои Мустақил (ИДМ) дар шаҳри Душанбе дар сатҳи баланд баргузор шуд. Дар ин хусус хабарнигори АМИТ «Ховар» аз ҷараёни ин нишасти матбуотӣ иттилоъ медиҳад.
Сергей Лебедев афзуд, ки «кишварҳои ИДМ ҳамкории густурда доранд. Аз ҷониби сарони ҳукуматҳо имзо шудани Низомнома дар бораи Форуми волонтёрони Иттиҳоди Давлатҳои Мустақил, ки ҳамасола баргузор мешавад, далели ин гуфтаҳо мебошад. Ташаббуси баргузории Форуми волонтёрони ИДМ аз ҷониби Президенти Ҷумҳурии Қазоқистон пешниҳод шудааст. Бинобар ин, Қазоқистон аввалин шуда мизбони Форуми волонтёрони Иттиҳоди Давлатҳои Мустақил мегардад».
Форуми волонтёрон чорабинии ҳамасола хоҳад буд, ки ба табодули таҷриба, рушди ҳаракати волонтёрон ва таҳкими ҳамкории байналмилалӣ нигаронида мешавад.
— Форуми волонтёрон таҳти сарпарастии Шурои кор бо ҷавонони кишварҳои иштирокдори ИДМ аз ҷониби ҳар як давлати Иттиҳод бо навбат, бо тартиби алифбои русии номҳои давлатҳо баргузор мешавад, — иброз дошт Котиби генералии Иттиҳоди Давлатҳои Мустақил Сергей Лебедев дар нишасти матбуотӣ.
Марзия САИДЗОДА,
АМИТ «Ховар»
АКС: АМИТ «Ховар»
Кормандони воҳидҳои сохтории Суғд аз тамошои Паёми Президенти Тоҷикистон ба Маҷлиси Олӣ таассуроти амиқ бардоштанд
Huawei насли нави дастгоҳҳои инноватсиониро муаррифӣ менамояд
«БОЗ NEW»: имконоти бештар барои истифодабарандагони хизматрасонии алоқа
Имрӯз дар водиҳои Тоҷикистон ҳавои тағйирёбандаи бебориш пешгӯӣ мешавад
Оид ба таъмини амнияти долонҳои энергетикӣ-нақлиётӣ ва таъсири он ба рушди минтақаи Осиёи Марказӣ конфронс доир шуд
Иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
Бо ZET-MOBILE миллионер шавед!
Дар Хуҷанд барои пешгирии бемориҳои сироятӣ вохӯрӣ доир шуд
Имрӯз дар шаҳри Душанбе борон меборад
Пагоҳ иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Дар Ҳисор оид ба кишти саривақтии ғалладонагиҳо машварат доир гардид
