Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
ДУШАНБЕ, 26.06.2025 /АМИТ «Ховар»/. 25 июн дар шаҳри Мински Ҷумҳурии Беларус ҷаласаи нуздаҳуми Шурои вазирони адлияи давлатҳои иштирокдори Иттиҳоди Давлатҳои Мустақил баргузор гардид, ки дар он Вазири адлияи Ҷумҳурии Тоҷикистон Музаффар Ашуриён иштирок ва оид ба дастовардҳои Тоҷикистон дар самти рақамикунонӣ ва такмили фаъолияти мақомоти Сабти асноди ҳолати шаҳрвандӣ сухан намуд. Дар ин хусус ба АМИТ «Ховар» аз Вазорати адлия хабар доданд.
Дар ҷаласа вазири адлияи Ҷумҳурии Тоҷикистон изҳор дошт, ки «густариши фарогири технологияҳои рақамӣ, аз ҷумла технологияҳои муосири информатсионию коммуникатсионӣ асоси таъмини рушди устувори иқтисодӣ ва баланд бардоштани рақобатпазирии байналмилалии мамлакат мебошад. Аз ин рӯ, Тоҷикистон иқдомҳои пайваста дар самти пешниҳоди хизматрасониҳои босифати давлатӣ тавассути ҷорӣ намудани низоми «ҳукумати электронӣ»-ро амалӣ менамояд».
Бо қарорҳои Шурои вазирони адлияи давлатҳои иштирокдори ИДМ Консепсияи таъсиси низоми ягонаи электронии табодули иттилоот байни вазоратҳои адлияи давлатҳои иштирокдори ИДМ, Нақшаи чорабиниҳои Шурои вазирони адлияи давлатҳои иштирокдори ИДМ оид ба омодагӣ ва эълони соли 2027 ҳамчун Соли маърифати ҳуқуқӣ дар Иттиҳоди Давлатҳои Мустақил ва Нақшаи чорабиниҳои асосии Шурои вазирони адлияи Иттиҳоди Давлатҳои Мустақил барои соли 2026 тасдиқ карда шуд.
Дар ҷамъбасти чорабинӣ таъкид гардид, ки рӯзномаи фарогири ҷаласаи Шурои вазирони адлияи давлатҳои иштирокдори ИДМ гувоҳи он аст, ки Шурои вазирони адлия минбаъд низ ҳамчун ниҳоди густаришдиҳанда ва таҳкимгари ҳамкории ҳуқуқӣ дар фазои Иттиҳод боқӣ монда, самтҳои афзалятноки он таъмини адолат ва ҳифзи ҳуқуқу озодиҳои шаҳрвандони давлатҳои иштирокдори ИДМ хоҳад буд.
АКС: Вазорати адлияи Ҷумҳурии Тоҷикистон
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
