35-СОЛАГИИ ИСТИҚЛОЛИ ДАВЛАТӢ. Дар гимназияҳои рақами 1 ва 4-и шаҳри Хуҷанд сохтмони биноҳои иловагӣ идома дорад
ДУШАНБЕ, 16.07.2025. /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар шаҳру ноҳияҳои вилояти Суғд корҳои созандагию ободонӣ вусъат мегиранд. Аз ҷумла, дар шаҳри Хуҷанд бунёди иншооти таъйиноти гуногун идома дорад. Дар ин хусус ба мухбири минтақавии АМИТ «Ховар» аз хадамоти матбуоти Раиси вилояти Суғд хабар доданд.
Бо мақсади баланд бардоштани сатҳи таълиму тарбия ва фароҳамсозии шароити мусоид дар гимназияҳои рақами 1 ва 4-и шаҳри Хуҷанд сохтмони биноҳои иловагӣ идома дорад.
Ин иншоот бо ҷалби соҳибкорони ватанӣ ва саҳми ширкатҳои сохтмонӣ дар доираи дастуру ҳидоятҳои Пешвои миллат муҳтарам Эмомалӣ Раҳмон дар самти ободонию бунёдкорӣ бунёд мегарданд. Тибқи лоиҳа, биноҳои иловагии гимназияҳо аз таҳхона ва чор ошёна иборат буда, имконият фароҳам меоранд, ки беш аз 2500 хонанда дар ду баст ба таҳсил фаро гирифта шаванд.
Ҳамзамон сохтмони биноҳои наву замонавии Палатаи савдо ва саноати вилояти Суғд, Суди вилояти Суғд, маҷмааи варзишии «Суғд Арена» ва бинои истиқоматии баландошёна идома дорад.
АКС: Хадамоти матбуоти Раиси вилояти Суғд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Пешвои миллат Эмомалӣ Раҳмон муассисаи таҳсилоти миёнаи умумии рақами 51-и шаҳри Кӯлобро баъд аз таъмиру навсозӣ мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
