Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
ДУШАНБЕ, 19.07.2025 /АМИТ «Ховар»/. Бо мақсади рақамикунонии соҳаи суғуртаи мамлакат аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия мешавад, ки минбаъд дар он ҳама намудҳои суғурта давра ба давра пайваст гардида, бақайдгирии шартномаҳо ва полисҳои суғуртавӣ пурра тавассути рамзҳои рақамӣ ҳимоя карда мешаванд. Дар ин хусус зимни баргузории ҷаласаи васеъ оид ба фаъолияти низоми суғурта дар шашмоҳаи якуми соли 2025 иттилоъ дода шуд.
Тавре ба АМИТ «Ховар» аз Бонки миллии Тоҷикистон хабар доданд, барои расидан ба ҳадафҳои муайяннамудаи Ҳукумати мамлакат дар шашмоҳаи якуми соли равон барои мустаҳкам намудани заминаи қонунии танзиму назорати фаъолияти суғуртавӣ ва мутобиқ намудани он ба стандартҳои байналмилалӣ дар асоси Қонуни Ҷумҳурии Тоҷикистон «Дар бораи фаъолияти суғуртавӣ» якчанд санадҳои меъёрии ҳуқуқии танзимкунанда таҳия шуда, баъзеи онҳо мавриди амал қарор дода шуданд. Аз ҷумла, «Тартиб ва меъёрҳои тарҳи ҳиссаҷудокуниҳо ба фондҳои захиравии суғуртавӣ», «Номгӯйи маълумоти тавсиявӣ барои нишон додан дар полиси суғуртавӣ», «Тартиби таҳия ва муҳлати пешниҳоди ҳисоботи молиявӣ» ва «Феҳристи ҳисобҳои тавозунӣ барои ташкилоти суғуртавӣ (азнавсуғуртакунӣ) ва Тавсифи ҳисобҳои тавозунии ташкилоти суғуртавӣ (азнавсуғуртакунӣ).
Ин санадҳои меъёрию ҳуқуқӣ инфрасохтори асосии низоми суғуртаи мамлакатро ташаккул дода, минбаъд барои аз байн бурдани номуайяниҳои амалиёти суғуртавӣ ва эътимоднокии баҳисобгирии молиявию хоҷагидории ташкилоти суғуртавии дар қаламрави ҷумҳурӣ фаъолияткунанда мусоидат менамоянд ва соҳаи суғуртаро ба марҳилаи нави рушд мебароранд.
Дар ҷаласа ташкилоти суғуртавӣ вазифадор карда шуданд, ки барои беҳтар намудани сифати хизматрасонии суғуртавӣ ва рақамикунонии пешниҳоди онҳо, баррасии саривақтии муроҷиатҳои суғурташавандагон, беҳтар намудани муоширати касбӣ бо муштариён, вусъат додани корҳои таблиғотию ташвиқотӣ дар байни аҳолӣ ва пурра ба таври ғайринақдӣ анҷом додани ҳама гуна амалиёти суғуртавӣ кор баранд.
АКС: Бонки миллии Тоҷикистон
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»
