Беш аз 100 корманди меҳмонхонаҳои Душанбе малакаю таҷрибаашонро такмил медиҳанд
ДУШАНБЕ, 16.07.2025 /АМИТ «Ховар»/. Бо мақсади татбиқи «Стратегияи рушди сайёҳии Ҷумҳурии Тоҷикистон барои давраи то соли 2030» дар доираи Лоиҳаи «Дарси маҳорат оид ба идоракунии сифати хизматрасонӣ дар меҳмонхонаҳо» барои кормандони соҳаи меҳмоннавозии ноҳияҳои Фирдавсӣ, Сино, Шоҳмансур ва Исмоили Сомонии шаҳри Душанбе даври омӯзишӣ оғоз гардид.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки даври омӯзишӣ бо ибтикори Муассисаи давлатии «Маркази ҷумҳуриявии такмили ихтисоси кормандони соҳаҳои сайёҳӣ ва хизматрасонӣ»-и назди Донишгоҳи байналмилалии сайёҳӣ ва соҳибкории Тоҷикистон ва дастгирии Барномаи рушди Созмони Милали Муттаҳид (UNDP) дар Ҷумҳурии Тоҷикистон ташкил шудааст.
Ҳадафи асосии даври омӯзишӣ баланд бардоштани сатҳи касбият, рушди малакаҳои амалӣ ва мутобиқсозии хизматрасонӣ дар меҳмонхонаҳо ба талаботи стандартҳои байналмилалӣ мебошад.
Дар оғози даври омӯзишӣ роҳбарияти Донишгоҳи байналмилалии сайёҳӣ ва соҳибкории Тоҷикистон, Кумитаи рушди сайёҳии Ҷумҳурии Тоҷикистон, Донишкадаи байналмилалии Данғара, Маркази ҷумҳуриявии такмили ихтисоси кормандони соҳаҳои сайёҳӣ, намояндаи Барномаи рушди Созмони Милали Муттаҳид дар Ҷумҳурии Тоҷикистон ва мутахассисони байналмилалӣ аз Федератсияи Русия сухан гуфтанд. Онҳо нақши чунин ташаббусҳоро дар боло бурдани сифати хизматрасонӣ ва рақобатпазирии бахши сайёҳӣ муҳим арзёбӣ намуда, аҳамияти татбиқи таҷрибаи байналмилалиро дар ин самт таъкид карданд.
Дар дарсҳои маҳорат зиёда аз 100 нафар кормандони меҳмонхонаҳои шаҳри Душанбе доранд. Онҳо имконият доранд дар муҳити касбӣ таҷриба омӯзанд, бо стандартҳои байналмилалӣ шинос шаванд ва сатҳи хизматрасониро боз ҳам беҳтар намоянд.
Даври омӯзишӣ то 17 июл идома ёфта, ба ҳайси платформаи муосир барои мубодилаи таҷриба, омӯзиши малакаҳои амалӣ ва таҳкими неруи инсонии соҳаи меҳмоннавозӣ хизмат хоҳад кард.
АКС: Донишгоҳи байналмилалии сайёҳӣ ва соҳибкории Тоҷикистон
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
Дар шаҳри Панҷакент Маҷмааи фарҳангӣ, сайёҳӣ ва ҳунармандӣ ба истифода дода шуд
Донишгоҳи байналмилалии сайёҳӣ ва соҳибкории Тоҷикистон дар 9 моҳи соли 2025 фаъолияти назаррас дошт
Озмуни аксҳо таҳти унвони «Душанбе – шаҳри гулҳо ва зебоӣ» эълон гардид
