Дар Донишгоҳи технологии Тоҷикистон Маркази таълимии технологияҳои нассоҷӣ таъсис дода мешавад
ДУШАНБЕ, 26.07.2025 /АМИТ «Ховар»/. Донишгоҳи технологии Тоҷикистон сазовори лоиҳаи грантии Агентии ҳамкории байналмилалии Корея «KOICA» гардид, ки дар доираи он барои тайёр кардани муҳандисони саноати нассоҷӣ дар Тоҷикистон Маркази таълимии технологияҳои нассоҷӣ таъсис дода мешавад. Дар ин хусус 24 июл ректори Донишгоҳи технологии Тоҷикистон Зоир Раҳмонзода зимни нишасти матбуотӣ иттилоъ дод.
«Дар назар аст, ки ин марказ бо маблағи 10 миллион доллари Иёлоти Муттаҳидаи Амрико сохта, ба истифода дода шавад. Амалишавии он аз моҳи ноябри соли 2025 оғоз мегардад»,-иброз дошт Зоир Раҳмонзода.
Дар доираи ҳамкорӣ бо созмону ташкилоти кореягӣ дар донишгоҳ 2 марказ таъсис дода шудааст. Дар доираи фаъолияти онҳо дар самти рушди технологияҳои иттилоотӣ ва коммуникатсионӣ, роботсозӣ, зеҳни сунъӣ ва таълими забони кореягӣ машғулият, форум ва конфронсҳои илмию амалӣ гузаронида мешаванд.
Зимни нишасти матбуотӣ баён гардид, ки вобаста ба имконоти фароҳамовардаи Маркази муштараки Тоҷикистону Кореяи назди Донишгоҳи технологии Тоҷикистон 4 донишҷӯ дар донишгоҳҳои бонуфузи Ҷумҳурии Корея дар зинаи магистратура таҳсил менамоянд.
Иттилоъ дода шуд, ки дар шашмоҳаи якуми соли равон донишгоҳ бо 11 муассисаи таҳсилоти олии касбӣ, созмону ширкатҳои байналмилалӣ шартнома ва созишнома ба имзо расонид. Ин ба сатҳи касбияту ҷаҳонбинии омӯзгорону кормандон, инчунин имконоти ҳамкории минбаъдаи донишгоҳ таъсири мусбат мерасонад.
Моҳинави НАВРӮЗ,
АМИТ «Ховар»
АКС: Донишгоҳи технологии Тоҷикистон
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
Доир ба рушди забони давлатӣ дар 35 соли Истиқлоли давлатӣ ҳамоиши илмӣ баргузор гардид
МАВЛОНО-ОФТОБИ МАЪРИФАТИ БАШАРӢ. Таҳти ин унвон ҳамоиши илмӣ – адабӣ доир шуд
Даври ниҳоии Озмуни ҷумҳуриявии «Омӯзгори сол — Тоҷикистон-2026» оғоз гардид
Натиҷаҳои озмуни тақсимоти давраи сеюми имтиҳонҳои марказонидаи дохилшавӣ муайян мегарданд
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
