Дар Душанбе ба муносибати Истиқлолияти Амрико чорабинӣ баргузор шуд

Июль 10, 2025 19:40

ДУШАНБЕ, 10.07.2025. /АМИТ «Ховар»/. Имрӯз дар шаҳри Душанбе ба муносибати 249-солагии Истиқлолияти Иёлоти Муттаҳидаи Амрико чорабинии тантанавӣ баргузор гардид. Дар ин хусус ба АМИТ «Ховар» аз Сафорати Иёлоти Муттаҳидаи Амрико дар Ҷумҳурии Тоҷикистон хабар доданд.

Дар он намояндагони мақомоти давлатӣ, ҳайатҳои дипломатии муқими Тоҷикистон ва доираи васеи ҷомеаи шаҳрвандӣ иштирок намуданд.

Дар чорабинӣ паёмҳои аҳамияти ҳамкории байни ду кишвар ва пешрафт дар равобити дипломатӣ шунида шуд.

Сафири Иёлоти Муттаҳидаи Амрико дар Ҷумҳурии Тоҷикистон Мануэл Микаллер таъкид намуд, ки ин санаи таърихӣ на танҳо барои мардуми кишвараш, балки барои тамоми ҷомеаи ҷаҳонӣ, ки ба арзишҳои демократӣ арҷ мегузоранд, муҳим мебошад.

«Мо дар ин рӯз арзишҳои  вобаста ба ҳуқуқи инсон ва демократияро гиромӣ медорем  ва онҳо  арзишҳое мебошанд, ки Иёлоти Муттаҳидаи Амрико тӯли таърихи мавҷудияти худ аз онҳо  пуштибонӣ намудааст», — иброз дошт Мануэл Микаллер .

Чорабинӣ бо барномаи фарҳангӣ ва мусиқии гуногун, намоишҳои таърихӣ ва мазмунҳои ҳунарии муаррифгари равобити дӯстонаи Тоҷикистону Амрико идома ёфт. Дар доираи таҷлили рӯзи истиқлолияти Амрико  ҳамчунин намоишгоҳ баргузор гардид, ки ба рамзҳои миллӣ ва фарҳангии Иёлоти Муттаҳида, инчунин ҷанбаҳои таърихии истиқлолияти он бахшида шуда буд.

Ҳамзамон иштирокдорон дар мавриди дурнамои густариши ҳамкории Тоҷикистону Иёлоти Муттаҳида дар бахшҳои иқтисод, маориф, рушд ва ҷомеаи шаҳрвандӣ табодули афкор намуданд.

Таъкид карда шуд, ки баргузории чунин чорабиниҳо  ба   таҳкими муносиботи дуҷониба ва муаррифии фарҳангу суннатҳои ҳар ду кишвар мусоидат менамояд.

АКС: Сафорати Иёлоти Муттаҳидаи Амрико дар Ҷумҳурии Тоҷикистон

Июль 10, 2025 19:40

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст