Дар Хуросон фаъолияти шашмоҳаи ҲХДТ ҷамъбаст ва роҳбари нави Кумитаи иҷроияи ноҳиявӣ интихоб гардид
ДУШАНБЕ, 24.07.2025. /АМИТ «Ховар»/. Дар ноҳияи Хуросон маҷлиси ҷамъбасти фаъолияти Кумитаи иҷроияи Ҳизби Халқии Демократии Тоҷикистон дар ноҳия дар шашмоҳаи якуми соли 2025 баргузор гардид. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар вилояти Хатлон хабар доданд.
Маҷлис панҷ масъаларо фаро гирифт. Масъулин доир ба ҳар яки он изҳори назар намуда, масъалаҳои ҷориро мавриди таҳлилу баррасӣ қарор доданд.
Дар маҷлис оид ба фаъолияти шашмоҳаи якуми соли 2025 ибрози назар карда шуд. Тавре изҳор гардид, таъсиси Ҳизби Халқии Демократии Тоҷикистонро метавон чун дастоварди бузурги сиёсии даврони соҳибистиқлолӣ арзёбӣ намуд. Зеро ин ҳизб бо мақсади таҳкими давлатдории навин ва таъмини ҳуқуқу озодиҳои инсону шаҳрванд ба фазилатҳои баланди сиёсӣ, сифатҳои наҷиби ахлоқӣ ва маърифати пурсамари маънавии аъзояш такя намуда, кӯшишу ғайрат ва донишу идроки онҳоро ба мустаҳкам намудани истиқлолияти сиёсию иқтисодӣ, иҷтимоӣ ва фарҳангии Ҷумҳурии Тоҷикистон равон менамояд.
Раиси Кумитаи иҷроияи Ҳизби Халқии Демократии Тоҷикистон дар вилояти Хатлон Ҷамшед Саидзода иброз дошт, ки Пешвои муаззами миллат пайваста таъкид менамоянд, ки фаъолият дар самти густариш бахшидани худшиносию худогоҳии миллӣ, ҳисси ватандӯстию ватанпарварии мардум, баланд бардоштани маърифати сиёсиву ҳуқуқии аҳолӣ, бахусус наврасону ҷавонон бояд тақвият бахшида шавад.
Масъулини ҳизб даъват шуданд, ки барои бартараф намудани камбудиву норасоиҳо дар самти норасоии кадрҳо, мукаммал набудани паҳнкунии маводи иттилоотӣ дар шабакаҳои иҷтимоӣ ва мушкилоти ҷобаҷогузории ҳуҷҷатҳо дар баъзе ташкилоти ибтидоӣ тадбирҳои мушаххас андешанд.
Дар идомаи маҷлис масъалаи кадрӣ мавриди баррасӣ қарор гирифт. Бо сабаби вазъи оилавӣ Рустам Бозорзода аз вазифаи раиси Кумитаи иҷроияи Ҳизби Халқии Демократии Тоҷикистон дар ноҳияи Хуросон озод гардида, Ғолибҷон Сиддиқзода ба ин вазифа таъйин гардид.
Дар фарҷоми маҷлис як зумра фаъолони ҳизбӣ барои фаъолияти пурсамар аз ҷониби Кумитаи иҷроияи Ҳизби Халқии Демократии Тоҷикистон дар вилояти Хатлон ва Кумитаи иҷроияи ноҳиявии ҳизб бо Сипоснома сарфароз гардонида шуданд.
АКС: Кумитаи иҷроияи Ҳизби Халқии Демократии Тоҷикистон дар вилояти Хатлон
Дар шаҳри Гулистон дар мавзуи «Занон дар меҳвари Паёми Президенти Тоҷикистон» ҳамоиш доир шуд
Дар бозору марказҳои савдои шаҳру ноҳияҳои Суғд корҳои тарғиботӣ ва омӯзишӣ гузаронида шуданд
Кумаки молиявии Раҳмон Озода Эмомалӣ ба модари Қобилҷон Алиев
Туҳфаҳои идонаи Президенти Тоҷикистон ба тарбиятгирандагони Мактаб-интернати ноҳияи Муъминобод расонида шуданд
Ба кӯдакони ятиму бепарастори ноҳияи Шаҳритус кумак ва туҳфаҳои Президенти Тоҷикистон расонида шуданд
АЗ ТОҶИКТА ТО АМИТ «ХОВАР». «Ховар» манбаи расмии иттилоот ва тарғибгари дастовардҳои соҳибистиқлолӣ аст
Туҳфаҳои Президенти Тоҷикистон ба кӯдакони Мактаб-интернати ноҳияи Балҷувон расонида шуданд
Эмомалӣ Раҳмон: «Соли 2025 барои Тоҷикистони маҳбуб соли бобарору таърихӣ буд»
Ба тарбиятгирандагони Мактаб-интернати ноҳияи Қубодиён туҳфаҳои Президенти Тоҷикистон тақдим гардиданд
Туҳфаҳои Президенти Тоҷикистон ба тарбиятгирандагони ноҳияи Ашт расонида шуданд
Туҳфаҳои Президенти Тоҷикистон ба тарбиятгирандагони Мактаб-интернати ёрирасони №1-и шаҳри Кӯлоб расонида шуданд
