Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
ДУШАНБЕ, 26.07.2025 /АМИТ «Ховар»/. Дар шашмоҳаи якуми соли равон дар Тоҷикистон ҳаҷми истеҳсоли дору ва молҳои тиббӣ беш аз 45 миллион ададро ташкил додааст, ки нисбат ба ҳамин давраи соли 2024 5 миллион адад зиёд мебошад. Дар ин хусус 23 июл зимни нишасти матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар дода шуд.
Иттилоъ дода шуд, ки дар ҷумҳурӣ 69 корхонаи ватанӣ истеҳсоли зиёда аз 610 намуд ва 355 номгӯй дору, молҳои тиббӣ ва коркарду бастубандии гиёҳҳои шифобахши ватаниро ба роҳ мондаанд. Ин нисбат ба ҳамин давраи соли 2024 4 корхона, 20 намуд ва 14 номгӯй дору ва молҳои тиббӣ зиёд мебошад.
Дар ин давра аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба якчанд муассисаи табобатию пешгирии ҷумҳурӣ бо мақсади таъмин ва баланд бардоштани сатҳ ва сифати хизматрасонии тиббӣ ба аҳолӣ ба маблағи умумии 43 миллиону 188 ҳазору 929 сомонӣ таҷҳизот ва асбоби тиббӣ, дастгоҳи рентгении рақамӣ, дастгоҳи нафасдиҳии сунъӣ, дастгоҳи СИПАП, дору, монитори назди кати бемор, таҷҳизоти ташхиси фаросавтии беморхонагӣ ва сайёр ва мизи ҷарроҳӣ дастрас гардид.
Ҳангоми санҷишҳо аз муассисаҳои фармасевтии ҷумҳурӣ 202 номгӯй доруҳо ба миқдори 1786 адад аз муомилот гирифта шуданд. Инчунин 129 ҳазору 634 килограмм дору, молҳои тиббӣ, маводи ороишию гигиенӣ ва ғизои кӯдаконаи муҳлати истифодаашон гузашта, бе сертификати мутобиқат ва ба талабот ҷавобгӯ набуда бо роҳи сӯзонидан нобуд карда шуданд.
Моҳинави НАВРӮЗ,
АМИТ «Ховар»
АКС аз манбаъҳои боз
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар ноҳияҳои алоҳидаи Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Дар ноҳияи Носири Хусрав тақдими «Шоҳнома»-и безаволи Ҳаким Фирдавсӣ оғоз шуд
«САРҲАДБОНОН-ЧАШМИ БЕДОРИ ВАТАН». Дар қисми ҳарбии Қӯшунҳои сарҳадӣ ҳамоиши тантанавӣ баргузор гардид
Дар партави Паёми Президенти Тоҷикистон ба Маҷлиси Олӣ оид ба масоили соҳибкорӣ ва сармоягузорӣ ҳамоиш доир шуд
ZET-MOBILE натиҷаҳои давраи чоруми иқдоми «Миллионро гир»-ро барои моҳи ноябр ҷамъбаст кард
Имрӯз дар водиҳои Тоҷикистон борон меборад
Туҳфаҳои Президенти Тоҷикистон ба тарбиятгирандагони Мактаб-интернати назди Муассисаи таълимии ноҳияи Спитамен расонида шуданд
Ба тарбиятгирандагони Хонаи кӯдакон ва Мактаб-интернати шаҳри Исфара туҳфаҳои Президенти Тоҷикистон тақдим гардиданд
Дар пленуми Суди Олӣ масъалаи баланд бардоштани сифати баррасии парвандаҳо ва таҳкими қонуният баррасӣ гардид
