Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
ДУШАНБЕ, 29.07.2025 /АМИТ «Ховар»/. Бо мақсади баланд бардоштани сатҳу сифати хизматрасонӣ беш аз 120 донишҷӯи Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардида, пас аз омӯзиши касбӣ дар чорабиниҳои муҳими сатҳи ҷумҳуриявӣ ва байналмилалӣ фаъолона иштирок доранд.
Тавре Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода 29 июл дар нишасти матбуотӣ ба доираи васеи хабарнигорон иттилоъ дод, «барои таҳкими таҳсилоти тахассусӣ аз рӯйи ихтисосҳои сайёҳӣ пойгоҳи моддӣ-техникии озмоишгоҳҳо бо таҷҳизоти муосири техникӣ таъмин карда шудааст. Тадбири мазкур имкон дод, ки донишҷӯён дар як вақт аз машғулияти амалии вобаста ба самти ихтисос, ки дар муассисаҳои таҳсилоти олии касбии хориҷи мамлакат доир мегарданд, баҳравар шаванд».
Убайдулло Асрорзода афзуд, ки дар доираи татбиқи сиёсати давлатии дастгирии ҷавонон ва мусоидат ба шуғли аҳолӣ соли равон дар Донишгоҳи байналмилалии сайёҳӣ ва соҳибкории Тоҷикистон намоишгоҳи ҷойи кори холӣ ва вазифаҳои озод дар сатҳи баланд ва бо фарогирии васеъ баргузор гардид. Дар он намояндагони беш аз 90 корхонаю муассисаи истеҳсолӣ ва хизматрасонӣ бо пешниҳоди беш аз 2500 ҷойи кор ва вазифаҳои озод иштирок намуданд. Ҳамзамон зиёда аз 700 нафар хатмкунандагони донишгоҳ ба озмунҳои ишғоли ҷойи корӣ ва вазифаҳо ҷалб шуда, ба корхонаю ташкилот барои мусоҳиба ва дарёфти ҷойи кор роҳнамоӣ гардиданд.
«Дар ин давра бо мақсади густариши робитаҳои илмию амалӣ ва таҳкими ҳамкории судманд бо бахши истеҳсоливу хизматрасонӣ кафедраҳои тахассусии донишгоҳ бо шумораи зиёде аз корхонаҳо ва ташкилоти соҳавӣ созишномаҳои нави ҳамкорӣ ба имзо расониданд. Ҳамзамон се кафедраи донишгоҳ, аз қабили фаъолияти бонкӣ, ҳуқуқ ва сайёҳӣ ва бизнеси меҳмондорӣ намояндагиҳои соҳавӣ таъсис дода, заминаи мусоиди амалӣ барои тақвияти робита бо бозори меҳнатро фароҳам оварданд», — иброз дошт ректори Донишгоҳи байналмилалии сайёҳӣ ва соҳибкории Тоҷикистон.
Марзия САИДЗОДА,
АМИТ «Ховар»
АКС: АМИТ «Ховар»
Дар Донишгоҳи давлатии Кӯлоб ғолибони озмунҳои ҷумҳуриявӣ қадршиносӣ шуданд
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
«EDONISH: МАКТАБ, ВОЛИДАЙН ВА ТАҲСИЛОТ ДАР МУҲИТИ РАҚАМӢ». Дар Душанбе нишасти матбуотӣ доир гардид
Ёддошти тафоҳум оид ба рушди фаъолияти илмӣ ва таълимӣ дар самти дипломатияи об ба имзо расид
