Хонандагони пойтахт дар Олимпиадаи байналмилалии «IKO-2025» сазовори 8 медал шуданд
ДУШАНБЕ, 29.07.2025 /АМИТ «Ховар»/. Аз 21 то 27 июл дар Шоҳигарии Камбоҷа аз рӯйи фанҳои математика ва забони англисӣ Олимпиадаи байналмилалии «IKO-2025» баргузор гардид. Дар олимпиада хонандагони беш аз 7 давлати қитъаи Осиё, аз ҷумла Тоҷикистон ба таври ҳузурӣ ва 5 давлати дигар ба тариқи фосилавӣ иштирок намуданд.
Тавре аз Сарраёсати маорифи шаҳри Душанбе ба АМИТ «Ховар» иттилоъ доданд, аз Тоҷикистон дар ин олимпиада 8 нафар хонандагони муассисаҳои таълимии шаҳри Душанбе, ки даври интихобии олимпиадаро муваффақона гузаштанд, иштирок намуданд. Хонандагони пойтахт дар Олимпиадаи байналмилалии «IKO-2025» сазовори 8 медал (2 медали тилло, 2 медали нуқра ва 4 медали биринҷӣ) гардиданд.
Хонандаи синфи 4-и шаҳри Душанбе Муҳаммад Исмоилов дар категорияи якум (синфҳои 3-4) аз ҳама бали баландтаринро сазовор гардида, дар рейтинги олимпиада яке аз 3 хонандаи беҳтарин эътироф гардид.
Бояд гуфт, ки бо дастгирии Раиси шаҳри Душанбе муҳтарам Рустами Эмомалӣ соҳаи маорифи шаҳри Душанбе ба марҳилаи рушди бесобиқа ноил гардид. Ҳамасола хонандагони пойтахт дар озмуну олимпиадаҳои байналмилалӣ иштирок намуда, сазовори ҷойҳои намоён мегарданд.
Маҳз тавассути чунин ғамхорӣ ва сармоягузорӣ ба соҳаи маориф имрӯз шаҳри Душанбе ба яке аз марказҳои муҳими илму фарҳанг ва рушди зеҳнии кӯдакон табдил ёфтааст.
Иштироки хонандагони болаёқати пойтахт дар олимпиадаҳои байналмилалӣ аз як ҷиҳат дохил шудан ба фазои олимпиадаҳои умумиҷаҳонӣ ва омӯзиши таҷрибаи давлатҳои пешсаф бошад, аз нуқтаи назари дигар ба амалигардонии «Барномаи давлатии дарёфт ва рушди истеъдодҳо дар шаҳри Душанбе барои солҳои 2021-2025» мусоидат менамояд.
АКС: Сарраёсати маорифи шаҳри Душанбе
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
