Намояндагони ВАО бо фаъолияти истгоҳҳои базавии алоқаи барқии ширкатҳои мобилии вилояти Суғд шинос гардиданд

Июль 1, 2025 14:00

ДУШАНБЕ, 01.07.2025 /АМИТ «Ховар»/. Бо ибтикори Хадамоти алоқаи назди Ҳукумати Ҷумҳурии Тоҷикистон барои намояндагони воситаҳои ахбори оммаи Тоҷикистон сафари сайёҳиву эҷодӣ ташкил гардид.

Тавре аз Хадамоти алоқаи назди Ҳукумати Ҷумҳурии Тоҷикистон ба АМИТ «Ховар» хабар доданд, сафари сайёҳиву эҷодӣ намояндагони ВАО бахшида ба Рӯзи Ваҳдати миллӣ аз 26 то 28 июн дар чанд шаҳру ноҳияҳои вилояти Суғд анҷом дода шуд.

Намояндагони ВАО дар шаҳру ноҳияҳои Панҷакент, Истаравшан, Хуҷанд ва Гулистон аз маконҳои сайёҳиву фароғатӣ тамошо намуда, бо фаъолияти истгоҳҳои базавии алоқаи барқӣ, марказҳои хизматрасонӣ, марказҳои минтақавии ширкатҳои мобилӣ ва дигар фаъолиятҳои марбут ба соҳаи алоқа шинос гардиданд.

Рӯзноманигорон дар Ҷамоати деҳоти Саразми деҳаи Чимқалъа шаҳри Панҷакент бо пойгоҳҳои мавҷтақсимкунии ширкатҳои мобилӣ ва вазъи хизматрасониҳои рақамӣ шинос шуданд.

Ба намояндагони ВАО иттилоъ дода шуд, ки дар ин пойгоҳ аз ҷониби  ширкати Tcell барои таъмини неруи барқ дар ҳолатҳои қатъ гардидани қувваи барқ дастгоҳи барқғункунанда насб шудааст.

Ҳамчунин аз фаъолияти истгоҳҳои базавии алоқа, ки аз ҷониби ширкати Вавилон-М насб шудааст, шинос шуданд. Иброз гардид, ки ин истгоҳҳо ба таври шабонарӯзӣ фаъол буда, аз рӯйи стандартҳои 2G ва 3G фаъолият доранд. Бо назардошти зиёдшавии аҳолӣ ва пешрафти технологияи мавҷрасонӣ ширкатҳои мобилии Tcell ва Вавилон-М нақша доранд, ки дар давоми сол бо навсозии истгоҳҳои базавии барои сокинони ин минтақаи мамлакат стандарти насли 4G-ро дастрас намоянд. Гуфта шуд, ки пойгоҳи базавии ширкати МегаФон Тоҷикистон, бошад ба сокинони шаҳри Панҷакнет мавҷи баландсуръатро пешниҳод менамояд.

Намояндагони ВАО дар шаҳри Истравшан ва Хуҷанд низ бо вазъи хизматрасонии ширкати Вавилон-М, МегаФон Тоҷикистон, Tcell, Вавилон-М ва ZET-MOBILE шинос гардиданд.

Дар шаҳри Хуҷанд аз пойгоҳи базавии алоқа, воқеъ дар меҳмонхонаи «Суғдиёнд», ки бо стандарти 5G кор мекунад, дидан намуданд.

Дар ин марказҳои тамоси ширкатҳои мобилӣ фаъолият дар се баст, ба таври шабонарӯзӣ ба роҳ монда шуда, мутахассисон ҳамарӯза ба муштариён ҷавоб мегардонанд.

Дар баробари ин намояндагони ВАО мавзеи таърихии шаҳри Саразм, Оромгоҳи сардафтари адабиёти классикии тоҷику форс Абӯабдуллоҳи Рӯдакӣ, мавзеи сайёҳии «Артуч», «Қалъаи Муғ», «Қалъаи Хуҷанд» ва «Истироҳатгоҳи Баҳористон»-ро тамошо намуданд.

 АКС: Хадамоти алоқаи назди Ҳукумати Ҷумҳурии Тоҷикистон

Июль 1, 2025 14:00

Хабарҳои дигари ин бахш

28 июл дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
Байни Маркази тадқиқоти стратегии назди Президенти Ҷумҳурии Тоҷикистон ва Институти миллии тадқиқоти амниятии Муғулистон Ёддошти тафоҳум ба имзо расид
Имрӯз дар Тоҷикистон ҳарорат ба 38 дараҷа мерасад
Имрӯз дар якчанд вазорату идораҳо нишастҳои матбуотӣ баргузор мегарданд
Тоҷикистон мубодилаи почтаро бо Русия барқарор намуд
Сокинони деҳаҳои Ҷамоати деҳоти Навободи шаҳри Турсунзода бо оби тозаи нӯшокӣ таъмин гардиданд
Барои кормандони мақомоти молияи минтақаи Рашт машварати омӯзишӣ гузаронида шуд
25 июл дар якчанд вазорату идораҳо нишастҳои матбуотӣ баргузор мегарданд
Як қадам пештар
Муовини Сарвазири Тоҷикистон бо вазъи соҳаи кишоварзии ноҳияи Ёвон шинос гардид
Имрӯз дар Тоҷикистон ҳавои тағйирёбанда дар назар аст