НИШАСТИ МАТБУОТӢ. Дар Бӯстон 85 лоиҳа ба маблағи беш аз 214 миллион сомонӣ амалӣ карда мешавад
СУҒД, 25.07.2025 /АМИТ «Ховар»/. Бо назардошти тағйиру иловаҳои воридгардида шумораи умумии лоиҳаҳо дар барнома 85 адад ва маблағи умумии лоиҳаҳо 214 миллиону 600 ҳазор сомониро ташкил дода, мавриди амал қарор доранд. Дар ин хусус Раиси шаҳри Бӯстон Фирӯза Нуруллозода 21 июл зимни нишасти матбуотӣ ба рӯзноманигорон иттилоъ дод.
Раиси шаҳр хабарнигоронро бо натиҷаҳои рушди иҷтимоиву иқтисодии шаҳр дар шашмоҳаи якуми соли 2025 шинос намуд.
Иттилоъ дода шуд, ки бо мақсади таъмини ҳадафҳои асосии дар марҳилаи аввали татбиқи «Стратегияи миллии рушди Ҷумҳурии Тоҷикистон барои давраи то соли 2030» гузошта «Барномаи рушди иҷтимоию иқтисодии шаҳри Бӯстон барои солҳои 2021-2025» қабул гардидааст, ки давра ба давра амалӣ мешавад.
Тибқи барнома, шуруъ аз соли 2021 то шашмоҳаи якуми соли 2025 дар соҳаи саноат 6 лоиҳа ба маблағи 40,1 миллион сомонӣ, соҳаи маориф- 12 лоиҳа ба маблағи 24,5 миллион сомонӣ, соҳаи тандурустӣ- 19 лоиҳа ба маблағи 9,3 миллион сомонӣ, хоҷагии манзилию коммуналӣ- 9 лоиҳа ба маблағи 11,8 миллион сомонӣ, барқтаъминкунӣ- 9 лоиҳа ба маблағи 40,5 миллион сомонӣ, нақлиёт ва роҳ- 4 адад ба маблағи 7 миллион сомонӣ, сохтмон- 8 адад ба маблағи 33,9 миллион сомонӣ, соҳибкорӣ- 6 адад ба маблағи 14,8 миллион сомонӣ ва фарҳанг, ҷавонон, варзиш ва сайёҳӣ 12 лоиҳа ба маблағи 32,7 миллион сомонӣ бояд амалӣ гардад.
Давоми солҳои 2021-2024 ва шашмоҳаи якуми соли 2025 иҷрои 37 лоиҳа ба маблағи 168 миллион сомонӣ таъмин гардидааст, ки иҷрои маблағгузории барнома 78,3 фоизро ташкил менамояд.
Фирӯза Нуруллозода иброз дошт, ки дар самти саноатикунонии босуръати ҷумҳурӣ ҳамчун ҳадафи чоруми стратегӣ ва татбиқи Солҳои рушди саноат (2022-2026) дар шаҳр тадбирҳои амалӣ андешида шудаанд. Дар натиҷа теъдоди корхонаҳои истеҳсолии хурду миёнаи шаҳр ба 60 адад расидааст, ки нисбат ба ҳамин давраи соли 2024 7,1 фоиз ё 4 адад зиёд аст.
«Барои сазовор истиқбол намудани 35-солагии Истиқлоли давлатии Ҷумҳурии Тоҷикистон нақшаи чорабиниҳои шаҳрӣ иборат аз 223 банд бо фарогирии ободонию бунёдкорӣ, созандагӣ ва таъмиру барқарорсозии муассисаҳои гуногун ба тасвиб расид. То имрӯз 179 адади он бунёд карда шудааст, ки нисбат ба нақшаи пешбинишуда 80,2 фоизро ташкил медиҳад»,- илова намуд раиси шаҳр.
Саъдулло МАҲКАМ,
АМИТ «Ховар»
АКС: дафтари матбуоти Раиси шаҳри Бӯстон
Сарвари давлат Эмомалӣ Раҳмон бинои нави Раёсати Вазорати корҳои дохилии Ҷумҳурии Тоҷикистон дар шаҳри Душанберо мавриди истифода қарор доданд
Пешвои миллат Эмомалӣ Раҳмон бинои нави Дастаи алоҳидаи таъйиноти махсуси милитсия «Шоҳин»-и Раёсати Вазорати корҳои дохилӣ дар шаҳри Душанберо ифтитоҳ намуданд
ОМОДАГӢ БА СОЛИ НАВИ ТАҲСИЛ. Дар ноҳияи Рӯдакӣ 4 бинои асосию иловагии муассисаҳои таълимӣ ба истифода дода мешавад
ИСТИҚЛОЛИЯТ-КАЛИДИ СОҲИБДАВЛАТӢ ВА ВАТАНПАРАСТИИ МИЛЛАТИ СОҲИБФАРҲАНГИ ТОҶИК. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба ин неъмати бебаҳо
ОМОДАГӢ БА СОЛИ НАВИ ТАҲСИЛ. Дар Кӯшониён бинои иловагии мактаб барои 400 хонанда ба истифода дода шуд
ОМОДАГӢ БА СОЛИ НАВИ ТАҲСИЛ. Хобгоҳи Коллеҷи омӯзгории шаҳри Бохтар пурра таъмир гардид
Дар ноҳияи Кӯшониён Маркази саломатӣ ифтитоҳ гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон Муассисаи таҳсилоти миёнаи умумии №129-ро дар маҳаллаи Сомони ноҳияи Фирдавсӣ ифтитоҳ намуданд
Сарвари давлат Эмомалӣ Раҳмон дар ноҳияи Синои шаҳри Душанбе марҳилаи дуюми муассисаи таълимии хусусии «Ҳоризон»-ро ифтитоҳ намуданд
Пешвои миллат Эмомалӣ Раҳмон дар кӯчаи Лермонтови ноҳияи Синои шаҳри Душанбе муассисаи таҳсилоти томактабии хусусии Марямро мавриди истифода қарор доданд
ИСТИҚЛОЛИ ДАВЛАТИИ ТОҶИКИСТОН. Нигаҳдорию эҳтиром ва эътирофи он бузургтарин арзиши миллӣ ба шумор меравад
