НИШАСТИ МАТБУОТӢ. Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ таъсис дода шуд
ДУШАНБЕ, 30.07.2025 /АМИТ «Ховар»/. Бахшида ба Солҳои рушди иқтисоди рақамӣ ва инноватсия (2025–2030) дар Донишгоҳи байналмилалии забонҳои хориҷии Тоҷикистон ба номи Сотим Улуғзода Маркази иттилоот, инноватсия ва рақамикунонӣ таъсис дода шуд. Марказ имконият медиҳад, ки лоиҳаҳои илмию таҳқиқотӣ дар заминаи технологияҳои муосир татбиқ карда шуда, донишҷӯён ба захираҳои электронии байналмилалӣ дастрасӣ пайдо намоянд. Дар ин хусус имрӯз зимни нишасти матбуотӣ ректори ин донишгоҳ Жило Гулназарзода ба хабарнигорон иттилоъ дод.
Иброз гардид, ки бо мақсади рушди бонизоми зеҳни сунъӣ ва ҷалби ҷавонон ба омӯзиши технологияи муосир ва дар ин замина омода намудани мутахассисони ҷавобгӯ ба талаботи бозори меҳнат дар донишгоҳ дар баробари кафедраҳои амалкунанда кафедраи журналистика ва иттилооти рақамӣ таъсис ёфт. Инчунин барои омӯзиши забонҳои хориҷӣ кафедраи умумидонишгоҳии забонҳои хориҷӣ ба фаъолият оғоз намуд.
Бо назардошти дастуру ҳидоятҳои маорифпарваронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон имсол дар зинаи бакалавриати таҳсилоти рӯзона 8 ихтисоси нав ба низоми Маркази миллии тестии назди Президенти Ҷумҳурии Тоҷикистон ворид карда шуд. Ин ихтисосҳо ба соҳаи омӯзгорӣ, тарҷума, таҳсилоти томактабӣ ва рӯзноманигорӣ марбут ҳастанд.
«Қабули довталабон ба ин ихтисосҳо аз соли таҳсили 2025 оғоз ёфта, барои таҳсил дар соҳаҳои серталаб ва забонҳои хориҷӣ имконияти нав фароҳам меояд. Тавре аз маълумоти Маркази миллии тестии назди Президенти Ҷумҳурии Тоҷикистон бармеояд, талабот ба ин ихтисосҳо қонеъкунанда мебошад»,- иброз дошт ректори донишгоҳ Жило Гулназарзода.
Дар донишгоҳ инчунин ду ихтисоси нав: «Таҳсилоти ибтидоӣ, забони англисӣ» (омӯзгор) ва «Таҳсилоти томактабӣ, забони англисӣ» (омӯзгор) дар шуъбаи таҳсилоти фосилавии зинаи бакалавриат таъсис ёфта, ба нақшаи қабули соли таҳсили 2025–2026 ворид карда шуд.
Моҳинави НАВРӮЗ,
АМИТ «Ховар»
АКС: АМИТ «Ховар»
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
Академияи идоракунии давлатии Тоҷикистон бо ширкати «Really English»-и Британия ҳамкорӣ менамояд
Вазири маориф ва илми Тоҷикистон дар Конгресси якуми ҷаҳонӣ оид ба таҳсилоти фарогир дар Алмато иштирок намуд
Тоҷикистону Қирғизистон дар самти такмили ихтисоси кормандони соҳаи маориф Ёддошти тафоҳум ба имзо расониданд
Қабули ҳуҷҷатҳо барои иштирок дар Стипендияи байналмилалии «Дурахшандагон» оғоз гардид
Омӯзгорону кормандони соҳаи маориф дар Федератсияи Русия табодули таҷриба намуданд
