НИШАСТИ МАТБУОТӢ. Дар Донишгоҳи давлатии молия ва иқтисоди Тоҷикистон шаш ихтисоси нав ташкил карда шуд
ДУШАНБЕ, 30.07.2025 /АМИТ «Ховар»/. Дар Донишгоҳи давлатии молия ва иқтисоди Тоҷикистон дар соли нави таҳсили 2025-2026 шаш ихтисоси нав ташкил карда шуд. Дар ин хусус 30 июл дар нишасти матбуотӣ ба хабарнигорон ректори Донишгоҳи давлатии молия ва иқтисоди Тоҷикистон Бобоҷон Сатторзода иттилоъ дод.
«Молияи бозори амвол», «Иқтисодиёт ва молияи корхонаҳои хоҷагии шаҳр», «Иқтисодиёт ва молияи хоҷагии манзилию коммуналӣ», «Менеҷменти лоиҳаҳои рақамӣ», «Иқтисодиёти «сабз»» ва «Иқтисодиёт» аз ихтисосҳои нав мебошанд, ки онҳо тибқи талаботи бозори меҳнат, хусусан талаботи хизматрасонии шаҳрӣ ташкил карда шудаанд.
Зимни натиҷагирии фаъолияти Донишгоҳи давлатии молия ва иқтисоди Тоҷикистон дар нимсолаи якуми соли 2025 Бобоҷон Сатторзода гуфт, ки бо мақсади ташкили раванди таълим ва таъмини методии ҷараёни таълим дар ин давра барои се ихтисоси бакалаври шакли таҳсили рӯзона, 7 ихтисоси таҳсилоти фосилавӣ ва 17 ихтисоси магистратура нақшаи нави таълим ва барномаҳои нави таҳсилотии ба талаботи стандартҳои замони муосир ҷавобгӯ таҳия гардида, мавриди амал қарор доранд.
Дар айни замон дар Донишгоҳи давлатии молия ва иқтисоди Тоҷикистон 6 факултет, 17 кафедраи тахассусӣ ва 8 кафедраи умумидонишгоҳӣ фаъолият намуда, аз рӯи самтҳои гуногун мутахассисони соҳаи молия, андоз, бонкдорӣ, иқтисод, технологияҳои инноватсионию коммуникатсионӣ ва ҳуқуқи иқтисодӣ омода менамоянд.
Дар Донишгоҳи давлатии молия ва иқтисоди Тоҷикистон беш аз 8 ҳазор донишҷӯ таҳсил менамоянд, ки 4 ҳазору 393 нафараш дар шуъбаи рӯзона хонда, 3 ҳазору 692 донишҷӯ ба таҳсилоти фосилавӣ фаро гирифта шудаанд.
Марзия САИДЗОДА,
АМИТ «Ховар»
АКС: АМИТ «Ховар»
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
НИШАСТИ МАТБУОТӢ. Соли 2026 музди маоши кормандони Донишгоҳи давлатии Бохтар 10 фоиз баланд бардошта мешавад
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Донишгоҳи давлатии Кӯлоб омузгоронро барои ҳимояи рисолаи докторӣ бо 40 ҳазор сомонӣ қадрдонӣ менамояд
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ба радифи донишгоҳҳои беҳтарини ҷаҳон дохил гардид
Дар Донишгоҳи давлатии Хуҷанд 24 ихтисоси нав таъсис ёфт
