НИШАСТИ МАТБУОТӢ. Дар ноҳияи Рашт корхонаи роботии хишти пухта ба истифода дода мешавад
РАШТ, 29.07.2025 /АМИТ «Ховар»/. Бо мақсади иҷрои фармони Президенти Ҷумҳурии Тоҷикистон «Дар бораи Солҳои рушди саноат эълон намудани солҳои 2022-2026» дар ноҳияи Рашт корхонаи роботии истеҳсоли хишти пухта ба истифода дода мешавад. Корхона бо тарзи замонавӣ ва бо насби таҷҳизоти роботӣ сохта шуда, ҳаҷми истеҳсолии он зиёд ва сифати истеҳсоли маҳсулоти хишти пухта ба стандарти ҷаҳонӣ мутобиқ мебошад. Чунин иттилоъ дода шуд ба хабарнигорон зимни нишасти матбуотии Мақомоти иҷроияи ҳокимияти давлатии ноҳияи Рашт.
Корхона ҳангоми пурра фаъолият намудан метавонад минтақаи Раштро бо хишти пухта таъмин намояд. Инчунин дар заминаи собиқ корхонаи истеҳсоли маҳсулоти ширии ноҳияи Рашт аз тарафи соҳибкори маҳалӣ корхонаҳои истеҳсоли маҳсулоти ширию қаннодӣ ва корхонаи дӯзандагӣ сохта мешаванд, ки дар оянда ба рушди соҳаи саноати ноҳия таъсири хуб мерасонанд.
Дар нишасти матбуотӣ иброз гардид, ки бахшида ба Солҳои рушди саноат дар ноҳияи Рашт бо ҷалби соҳибкорон ва шарикони рушд бунёди 21 корхонаю коргоҳи истеҳсолӣ ба нақша гирифта шудааст. Дар ин замина соли 2024 дар ноҳия 6 корхонаю коргоҳи истеҳсолӣ ба истифода дода шуд. Шумораи коргоҳу корхонаҳои истеҳсолии ноҳия ба ҳолати 1 июли соли 2025 ба 34 адад расонида шуд, ки нисбат ба ҳамин давраи соли 2024 3 коргоҳу корхона зиёд мебошад.
Дар шашмоҳаи якуми соли 2025 ҳаҷми истеҳсоли маҳсулоти саноатӣ ба 25 миллиону 177,6 ҳазор сомонӣ расонида шуд, ки нисбат ба ҳамин давраи соли 2024 4 миллиону 514,1 ҳазор сомонӣ зиёд мебошад.
Зимни нишасти матбуотӣ ҳамзамон гуфта шуд, ки дар ноҳияи Рашт бахшида ба ҷашни бузурги 35-солагии Истиқлоли давлатии Ҷумҳурии Тоҷикистон бо дастгирии соҳибкорону сокинони ноҳия бунёд ва ба истифода додани 307 иншооти таъйиноти гуногун ба нақша гирифта шудааст. То имрӯз 220 иншоот ба истифода дода шуд. Дар иншооти боқимонда сохтмону навсозӣ идома дошта, дар муҳлати муқарраргардида ба истифода дода мешаванд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 10 иншоотро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ Корхонаи истеҳсоли сурмаро ифтитоҳ намуданд
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
