НИШАСТИ МАТБУОТӢ. Дар ноҳияи Сино сохтмон ва навсозии 279 иншоот ба нақша гирифта шудааст

ДУШАНБЕ, 24.07.2025. /АМИТ «Ховар»/. Бо мақсади сазовор ҷашн гирифтани 35-солагии Истиқлолияти давлатии Ҷумҳурии Тоҷикистон аз ҷониби Мақомоти иҷроияи ҳокимияти давлатии ноҳияи Синои шаҳри Душанбе нақшаи чорабиниҳо оид ба корҳои ободонию бунёдкорӣ таҳия ва тасдиқ гардид, ки аз 1232 чорабинӣ иборат аст. То давраи ҳисоботӣ 925 адади он иҷро гардидааст, ки 75,1 фоизи нақшаро ташкил менамояд.

Бахшида ба 35-солагии Истиқлоли давлатӣ соли 2025 дар ҳудуди ноҳия аз шумораи 279 иншоот  1 муассисаи таҳсилоти миёнаи умумӣ, 4 муассисаи таҳсилоти томактабӣ, 1 муассисаи тандурустӣ, 4 коргоҳу корхонаи саноатӣ бо 80 ҷойи кор бунёд шудааст. Хамчунин 12,2 км роҳҳо сохта ва навсозӣ шуда, сохтмони 19 бинои баландошёна ва навсозии партовгоҳҳо ба нақша гирифта шудааст.

То ин давра тибқи нақшаи 5-сола аз 1232 чорабинӣ 925 адади он иҷро гардидааст, ки 75,1 фоизи нақшаро дар бар мегирад.

Иттилоъ дода шуд, ки навсозии нуқтаҳои партовпартоӣ тибқи нақшаи панҷсола 145 адад буда, то имрӯз 111 адад ё 76,5 фоизи он иҷро шудааст.

«Бахшида ба ҷашни 35 — солагии Истиқлолияти давлатии Ҷумҳурии Тоҷикистон дар ҳудуди ноҳия берун аз нақша низ аз ҷониби соҳибкорону шахсони саховатпеша корҳои созандагию бунёдкорӣ анҷом дода мешаванд», — афзуд раиси ноҳияи Сино Умед Гуреззода.

Зарангези ЛАТИФ,
АМИТ «Ховар»

АКС: АМИТ «Ховар»