НИШАСТИ МАТБУОТӢ. Дар Тоҷикистон зиёда аз 3 тонна маводи нашъаовар мусодира карда шудааст
ДУШАНБЕ, 29.07.2025. /АМИТ «Ховар»/. Дар шашмоҳаи якуми соли 2025 аз ҷониби мақомоти ҳифзи ҳуқуқ ва сохторҳои қудратии мамлакат 13 089 (2024 – 11 860) ҷинояти умумӣ ба қайд гирифта шудааст. Дар ин хусус имрӯз зимни нишасти матбуотӣ Директори Агентии назорати маводи нашъаовари назди Президенти Ҷумҳурии Тоҷикистон Самад Зафар ба хабарнигорон иттилоъ дод.
Аз ин шумора 534 (2024 — 419) ҷиноят вобаста ба муомилоти ғайриқонунии маводи нашъадор мебошад, ки 4 фоизи ҷиноятҳои умумиро ташкил медиҳад. Ин нисбат ба ҳамин давраи соли 2024 115 ҷиноят ё 27,4 фоиз зиёд аст. Дар ин давра дар ҷумҳурӣ аз муомилоти ғайриқонунӣ 3 тоннаю 107 кг маводи нашъаовар мусодира карда шудааст, ки нисбат ба соли 2024 (3 тоннаю 96 кг 616 грамм) 10 кг 388 грамм зиёд мебошад.
Инчунин аз ҷониби мақомоти ҳифзи ҳуқуқ дар ин давра 155 кг 536 грамм моддаҳои психотропӣ мусодира карда шудаанд, ки нисбат ба шашмоҳаи якумм соли 2024 71 кг 533 грамм ё 85 фоиз зиёд мебошад. Илова бар ин аз ҷониби мақомоти ҳифзи ҳуқуқ 21 ҳазору 141 (соли 2024 — 13 ҳазору 731) воситаи нашъадор дар намуди ҳаб (таблетка) мусодира гардидааст, ки аз ин шумора 15 ҳазору 824 ҳабро Агентӣ мусодира намудааст.
Зарангези ЛАТИФ,
АМИТ «Ховар»
АКС: АМИТ «Ховар»
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
