НИШАСТИ МАТБУОТӢ. Дар ҳудуди шаҳри Душанбе сохтмони 7 эстакадаи нав оғоз меёбад
ДУШАНБЕ, 25.07.2025. /АМИТ «Ховар»/. Дар ҳудуди шаҳри Душанбе сохтмони 7 эстакадаи нав оғоз мегардад. Дар ин хусус имрӯз зимни нишасти матбуотии Мақомоти иҷроияи ҳокимияти давлатии шаҳри Душанбе муовини якуми Раиси шаҳри Душанбе Бахтиёр Шарифӣ ба хабарнигорон иттиилоъ дод.
Ин эстакадаҳо дар буриши кӯчаҳои Шерализода — хиёбони Ҳофизи Шерозӣ, буриши хиёбони Ҳофизи Шерозӣ-хиёбони Саъдии Шерозӣ бо кӯчаи Қаҳҳоров, буриши кӯчаи Назаршоев, кӯчаи Айнӣ бо хиёбони Саъдии Шерозӣ, буриши хиёбони Саъдии Шерозӣ бо кӯчаи Неъмат Қарабоев, буриши кӯчаҳои Қаҳҳоров бо Абай, буриши кӯчаи Қаҳҳоров бо хиёбони Абдураҳмони Ҷомӣ ва буриши кӯчаи Қаҳҳоров бо кӯчаи ҷанубӣ таҳия шудаанд.
«Бо назардошти ҷалби маблағҳои грантӣ дар ҳаҷми 58 миллион долари амрикоӣ ва бо ҷалби мутахассисони варзидаи дохилию хориҷӣ корҳои сохтмонӣ дар онҳо оғоз меёбанд», -гуфт Бахтиёр Шарифӣ.
Ёдовар мешавем, ки 28 декабри соли 2023 дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» таъкид гардида буд, ки дар се соли оянда дар шаҳри Душанбе 40 километр роҳҳои мошингард бо 7 эстакада (роҳҳои болоиҳам) бо арзиши умумии зиёда аз 3 миллиард сомонӣ сохта, ба истифода дода мешаванд.
«Мо тасмим гирифтаем, ки бо амалисозии ҳадафҳои муайянкардаамон дар панҷ – шаш соли оянда ҳамаи роҳҳои байналмилалӣ ва ҷумҳуриявии мамлакатро ба меъёрҳои сатҳи ҷаҳонӣ мутобиқ гардонем. Яъне бунёди роҳҳои муосир дар ояндаи наздик ба мо имкон медиҳад, ки ба ҳадафи стратегиамон – ба мамлакати транзитӣ табдил додани Тоҷикистон ноил шуда, рушди устувори иқтисодӣ ва боз ҳам беҳтар гардидани шароити зиндагии халқамонро таъмин намоем»,- изҳор доштанд Президенти Ҷумҳурии Тоҷикистон.
Тавре қаблан АМИТ «Ховар» иттилоъ дода буд, тибқи Нақшаи генералии шаҳри Душанбе дар пойтахт 20 чорроҳаи сесатҳа сохта мешавад.
Зарангези ЛАТИФ,
АМИТ «Ховар»
АКС: шуъбаи иттилооти дастгоҳи Раиси шаҳри Душанбе
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
